Бид гэнэтхэн асар их соёлтой болсон. Юу идэх, юу өмсөх, хаашаа харж унтахаа хүртэл бусдаас асууж даган дуурайх нь халаг. Хүн төрөлхтөн гоо сайхан, гоё сайхны мөнхийн эрэлд гараад олоогүй л яваа учраас тэр биз. Хачирхалтай нь сэтгэл санаагаа хэрхэн гоо сайхан, гоё сайхан болгох дээр дульхан анхаардаг байлаа. Энэ бүсгүй бол сэтгэлийн гоо сайхныг түгээгч сэтгэлзүйч М.Алтанцэцэг. “Хувь хүний хөгжлийн институт” гэх газрын нэрийг дуулаагүй хүн ер нь ховор доо. Эрүүл үзэсгэлэнтэй амьдрал хөтөлбөрийг хэрэгжүүлдэг эдний хамт олон 18 аймаг, 100 гаруй сумаар явж сургалт лекц тавьжээ. Эрүүл үзэсгэлэнтэй амьдралын элч, төлөөлөгч болоод байгаа М.Алтанцэцэгийн өөр нэг тодотгол хүний эрхийн хуульч М.Ичинноровын төрсөн дүү. Зэрвэс харахад эндүүрмээр адилхан байгаа биз. Бүсгүй үргэлж хөшигний ард үлддэг ч түүний шавь нар залуу сэтгэлзүйчид хэдийнэ алдрын оргилд хүрч хэзээ язааны юм шиг ихэмсэг алхдаг юм билээ. Нууцлаг даруухан хатагтай ингэж нэг ил гардаг юм байна.
Сэтгэгдэл (7)