Говьсүмбэр аймгийн “Сүмбэр сумын нутагт хашаанд гэр шатаж тус сумын харъяат 6 настай эмэгтэй Д, 4 настай эрэгтэй А нар гэртээ шатаж нас барсан байна” гэсэн мэдээллийг өчигдөр цагдаагийг байгууллагад өгчээ. Дуудлагын дагуу цагдаагийн алба хаагчид шалтгалтын ажиллагааг явуулаад байна.
Мөн БГД-ийн 7-р хороо “ГССҮТ-д эмчлүүлж байсан хүүхэд нас барлаа” гэсэн мэдээллийг авч шалгахад, Баян-Өлгий аймаг Баяннуур сумын харьят 2 настай эрэгтэй А нь 02-р сарын 22-ны өдөр гэртээ халуун тогоотой буцалсан усанд унаж түлэгдэн тус эмнэлэгт хүргэгдэн ирж эмчлүүлж байгаад нас барсан байна. Хэргийг БГД-ийн цагдаагийн хоёрдугаар хэлтэст шалгаж байна.
Түүнчлэн, СБД-ийн 20-р хорооны “Хадатын ... тоотод гал гарч хүн нас барсан байна” гэсэн мэдээллийг 03-р сарын 16-нд авч шалгахад, СБД-ийн 20 хороонд суух 47 настай эмэгтэй Ш 4 ханатай гэртэйгээ шатаж нас баржээ. Хэргийг СБД-ийн цагдаагийн хоёрдугаар хэлтэс шалгаж байна.
Сэтгэгдэл байхгүй байна