Эмээтэйгээ явж байсан бяцхан хүүхэд мөргөжээ

Замын цагдаагийн албаны ЖШУХ дээр нийт 298 дуудлага, мэдээ мэдээлэл хүлээн авснаас, зам тээврийн ослын 218 дуудлага бүртгэгдсэн бөгөөд осол, хэргийн улмаас 12 хүн хүнд, хөнгөн байдлаар гэмтсэн байна. Ослын шалтгаан, хэлбэрээр нь авч үзвэл явган зорчигч мөргөсөн 5, мөргөлдсөн 11 осол бүртгэгдсэн. Зам тээврийн осолд явган зорчигч хэлбэрээр 3 хүүхэд өртсөн байна.

Цагдаагийн байгууллагын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 52 жолоочийг илрүүлж гарч болзошгүй осол, хэргээс  урьдчилан сэргийлж ажиллажээ.

Тухайлбал:

1. БЗД-ийн нутаг Их Монгол хорооллын замд амины T.Pruis маркийн автомашины жолооч У нь явган зорчигч 3 настай А-г /эмээтэйгээ хамт явж байсан/ мөргөж гэмтээсэн байна.
2. СБД-ийн Шангрила-2-н хойд замд T.Prius автомашины жолооч Т нь Б жолоочтой мотоцикльтой мөргөлдөж, жолооч Б нарын 2 хүн гэмтсэн.