Дуучин Д.Отгонжаргал хэсэг хугацаанд уран бүтээлийн завсарлага авч гадаадад сурч боловсорч байгаад ирээд буй нь энэ. Эхнэр нөхрүүдийг салгасан хоч зүүж багагүй хугацаанд хэл ам татлаад авсан дуучин бүсгүй маань энэ явдлаас хойш усанд хаясан чулуу аятай л сураг алдраад байсан. Тэгвэл саяханаас уран бүтээлдээ эргэж орсон төдийгүй найз залуутай болсон байна. Энэ долоо хоногийн эхээр шинэ СД-ний баяраа хийж томоохон хэмжээний хүлээн авалт хийсэн дуучин бүсгүйг бид дурандаж амжсан юм. Хэвлэл мэдээллийнхэнд хаалттай болсон цомгийн баяр дээрээ бараг л төрөл арилжиж ирсэн Д.Отгонжаргалыг хальт харсан нэгэн нь танихгүй байсан шүү.
Make-up-ын ач тус уу, мэс заслын ач гавьяа юу гэдгийг ялгаж салгахад тун бэрх харагдаж байна. Царай төрх, бие хаа гээд бүхий л зүйл дээрээ өөрчлөлт шинэчлэл хийсэн дуучин бүсгүй маань олон жил ганц бие явсан. Гэтэл найз залуутай болсон төдийгүй хамтын амьдралаа хүртэл эхлүүлсэн ажээ. МУГЖ Г.Ариунбаатартай хайр дурлалын гурвалжин үүсгэсэнээс болж цахим хуудсаа хааж уран бүтээлээсээ түр хөндийрөөд байсан билээ. Тэгвэл дахин уран бүтээлдээ орж шинэ амьдралаа эхлүүлсэн талаар баярт мэдээ дуулгаж байгаадаа таатай байна. Ямартай ч гадаад төрх болон хувийн амьдралдаа зэрэг өөрчлөлт хийж шинэ Д.Отгонжаргал болоод ирсэнийг дараах зургуудаас сонирхоцгооё.
Эх сурвалж: www.grandnews.mn
Сэтгэгдэл (71)