БЗД-ийн 7-р хороо “2-р байрны 1-р орцонд 2 хүүхэд газ үнэртээд байна” гэсэн мэдээллийг цагдаагийн байгууллагад өгчээ. Дуудлагын дагуу цагдаагийн алба хаагчид очиж шалгахад, СБД-ийн 13-р хороонд суух 12 настай эрэгтэй О, ХД-ийн 25-р хороонд суух 8 настай эрэгтэй О нар ахуйн хэрэглээний газ үнэртсэн байжээ. Уг хэргийг БЗДЦХ-2 шалгаж байна.
Өсвөр насны хүүхдүүд газ үнэртэж мансуурах тохиолдол сүүлийн хэдэн жил эрчимтэй өсч байгаа. Үүнээс болж хүүхэд амиа алдсан тохиолдлууд ч цөөнгүй гарсан. Тиймээс эцэг, эх асран хамгаалагч та бүхнийг хүүхдэдээ тавих хараа хяналтаа улам сайжруулахыг цагдаагийн байгууллагаас анхааруулж байна.
Д.Дуулим
Сэтгэгдэл байхгүй байна