Өнөө цагын зохиолын дууны ханхүү гэгддэг Э.Төрмандах С.Жавхлан ахынхаа орыг залгах хэмжээний чансаатай дуучин гэдгээ саяхан болсон тоглолт дээрээ батлан харуулсан. Ёстой л ямар ч реклам зар сурталчилгаагүйгээр Бөхийн өргөө дүүрэн үзэгчдтэй тоглолт хийж байгаа цөөхөн хэдэн дуучдын нэг Э.Төрмандах.
Уран бүтээл дээрээ тэр утгаар нь аархаж, зохиолын дуучид дундаа илүүрхэж ирсэн. Тэгвэл түүн дээрээ нэмээд үзэсгэлэнт гэргийгээрээ бусдаасаа ялгарах боллоо. Учир нь зохиолын дуучид дунд гэр бүлийн хос дуучин, хослон дуулах нь хамгийн их асуудал дагуулдаг гэлтэй. Хослон дуулж, хамтран уран бүтээл хийсэн хос дуучдын ихэнх нь тодорхойгүй шалтгаанаар хоёр тийш болж удаа ч үгүй уран бүтээлийнх нь төгсгөл ирдэг жамтай. Тэгвэл зохиолын дуучид дундаа нэг гэр бүлийн хос дуучин Э.Төрмандах, О.Гансүх нар уран бүтээлээрээ ч тэр, хувийн амьдралаараа ч тэр бусдаасаа илүүрхэж, байлдан дагуулж эхэллээ. Цаашдын уран бүтээлд өндөр амжилт хүсэе.
Эх сурвалж: www.grandnews.mn
Сэтгэгдэл (12)