Боловсролын салбарын боловсролгүй удирдлагууд
2019 оны 7 сарын 3

Энэ жилийн төгсөгчдийн ЭЕШ-ын дүнг харахад улсын хэмжээнд математикийн шалгалт дээр таван хүүхэд 100 оноо авсныг “мундаг” гэж дүгнэсэн нь нэгд, хүнд даалгаврууд ирсэн, хоёрт, урьд өмнөх жилүүдэд ийм өндөр үнэлгээ авч байгаагүйтэй холбоотой гэнэ. Гэхдээ тэдгээр мундаг хүүхдүүд  гарч ирэхэд Л.Гантөмөрийн үед хэрэгжүүлсэн “Цөм" хөтөлбөрийн гавъяа их байсныг  багш нар онцолж буй.

Гэтэл БСШУС-ын сайдаар томилогдсоныхоо дараахан Ё.Баатарбилэг “Цөм" хөтөлбөрийн явцын үнэлгээ хийсэн. Энэ хөтөлбөр 2013 оноос хэрэгжээд явахдаа бага ангиас хэрэгжсэн. "Цөм" хөтөлбөрт хамрагдсан эхний хүүхдүүд одоо төгсөх болсон. Боловсролын хүрээлэн цөм хөтөлбөрийнхөө хэрэгжилтийг хангалтгүй байна гэж дүгнэсэн. Тиймээс сурагчдын ачааллыг бууруулна, хөтөлбөрийг зогсооно” гэж попорч байсан нь хэдхэн сарын өмнөх үйл явдал. Одоо ичих ч үгүй Л.Гантөмөрийн хийсэн ажлыг элгэн дээрээ наачихсан тууж яваа биз.

Монголын боловсролын салбарыг өнөөдөр археологич, телевизийн хөтлөгч, дуу хөгжмийн багш гурав тодорхойлж байна. “Хувьсгал хийхэд хууль хамаагүй” гэж ордны “галзуу” хэлсэн шиг боловсролгүй сайд дарга нарт бодлого чухал биш нь тодорхой. Бодлого бол БСШУСЯ-ын удирдлагуудын ярьдаг ном дэвтрийн хэрүүл биш. Монголын боловсролын системийг яаж сайжруулах тухай яриа байх ёстой. 

Тиймээс тэднийг жил гаруйн хугацаандаа боловсролын салбарт гавъяа байгуулахгүй ч гай тарилгүй шиг байвал их юм гэж салбарынхан нь залбирч суугаа гэх. Учир нь,  Ё.Баатарбилэгийн зохион байгуулсан багш нарын Их хурлын үеэр нэг багш амиа алдсан  харамсалтай хэрэг гарсан  бөгөөд салбарын сайд, удирдлагууд таг гүлдийгээд өнгөрсөн. Сайдаар томилогдсоныхоо дараахан  гаргасан попиулист шийдвэрүүд нь эргээд боловсролын салбарт асуудал тарьж мэдэхээр байгаа билээ.  Жишээлбэл, хүүхэд хаана амьдарч байгаагаар нь ялгаварлаад, хамрах хүрээ гэж хатуу хязгаар тавьснаар хотын захын хүүхдүүд хотын төвийн, хэлний болон гүнзгийрүүлсэн сургуулиудад сурахыг шууд хориглосон, тэдний сурах эрхэд халдсан шийдвэр болсон гэх шүүмжлэл ч дагалдаж буй.

Дэд сайд Г.Ганбаярын хувьд боловсролын салбарын тодорхойлох нь бүү хэл өөрөө ч боловсрол нимгэн хүн. Телевизийн хөтлөгч Монголын мянган, мянган хүүхдийн ирээдүйг тодорхойлоод сууж байгаа нь МАН боловсон хүчний дутагдалд орсны шинж.

Албан бичиг аятайхан, алдаа мадаггүй бичиж чадахгүй дэд сайдтай боловсролын салбарт том бодлого, цөм хөтөлбөрийн тухай ярих бүр ч  утгагүй биз.  Байхгүй Майдар хотод их дээд сургуулиудыг шилжүүлнэ гэх мэтийн бодлого ярьдаг хүмүүс шүү дээ.

Боловсролын салбарын боловсролгүй удирдлагуудын нэг бол Төрийн нарийн бичгийн дарга Б.Баярсайхан. Түүний хувьд төрийн албанд тохирох хүн бишийг намынхан ч , хамт ажиллаж байсан хүмүүс нь ч хүлээн зөвшөөрдөг. Ёс зүй болон боловсролынхоо хувьд ч БСШУСЯ-ны Төрийн нарийн бичгийн дарга хийх чадамжтай хүн биш, салбарын яамаа мэргэжлийн удирдлагаар хангаж чадахгүй “салбадай” болоод байгааг газар хэлтсийн дарга нар нь гомдоллож ЗГХЭГ-т гомдол гаргаж байсан. Дүү нь шүдэнз зурах төдийд албан тушаалын “бялуу”-тай үлдсэн түүнийг төрийн албанд тохирохгүй  тохирохгүй, тиймээс халж явуулахыг Ж.Цогзолмаа сайд ажлаа өгөхдөө Ё.Баатарбилэгт сануулсан ч удаатай.

Зуны сар зургаа биш болохоор намар дахиад л цэцэрлэг, сургуулийн хүртээмжийн асуудал дэгдэх нь гарцаагүй. Нэг биш гурван сургуулийн хүүхдүүд сүрьеэгээр өвчилчихөөд байхад боловсролын удирдлагууд юу ч болоогүй юм шиг царайлсаар байх уу. Шоронгийн өвчин сургуулийн өвчин болж хувирсанд боловсролын боловсролгүй сайдууд ч хариуцлага хүлээх ёстой юм биш үү?

Эх сурвалж: https://news.mn/

Манай сайт танд таалагдаж байвал LIKE хийгээрэй. Танд баярлалаа.
Сонин хачин
Санал болгох  
Grandnews tweet
  • Retweet (17)
  • Retweet (13)
  • Retweet (11)
  • Retweet (8)
  • Retweet (6)
  • Retweet (3)
  • Retweet (2)
  • Retweet (2)
  • Retweet (2)
  • 07-16 16:12
    Retweet (1)
  • 07-16 16:11
    Retweet (1)
  • Retweet (1)
  • Retweet (1)
  • Retweet (1)
  • Retweet (1)
  • Retweet (1)
  • 07-16 15:36
    Retweet (1)
  • 07-16 15:25
    Retweet (1)
  • Retweet (0)
  • 07-16 16:33
    Retweet (0)