Олимпийн наадамд оролцох монголын баг тамирчдын ёслолын болон спорт хувцасны загварын уралдаан зарлалаа
2019 оны 6 сарын 6

Монгол Улс Япон Улсын нийслэл Токио хотноо 2020 онд зохион байгуулагдах Олимпийн болон Паралимпийн наадамд оролцох бэлтгэл ажлын хүрээнд монголын баг тамирчид, дасгалжуулагчийн ёслолын болон спортын хувцасны загвар гаргах сонгон шалгаруулалтыг үндэсний хэмжээнд зохион байгуулахаар 2019 оны 06 дугаар сарын 05-ны өдрөөс эхлэн загвар сонгон шалгаруулах уралдааныг зарлаж байна. 

Энэ хүрээнд Боловсрол, соёл, шинжлэх ухаан спортын дэд сайд Г.Ганбаяр болон яамны Биеийн тамир, спортын бодлогын газар, Засгийн газрын хэрэгжүүлэгч агентлаг Биеийн тамир, спортын газар болон Соёл, урлагийн бодлогын газраас монголын загвар зохион бүтээгч, хувцас урлалын байгууллага, сургалтын байгууллагын багш, оюутан зэрэг хувцас загвар, дизайны чиглэлээр үйл ажиллагаа эрхэлдэг уран бүтээлчдийг 2019 оны 06 дугаар сарын 04-ны өдөр хүлээн авч, загвар сонгон шалгаруулалттай холбоотой санал солилцсон юм. 

Уулзалтад Монголын дизайнеруудын холбоо, Монголын дизайн урлагийн академи, Оёдлын салбарын нэгдсэн холбоо, Шилмэл загвар ХХК, СУИС, ШУТИС, Урлах Эрдэм Дээд сургууль зэрэг мэргэжлийн сургууль, холбоод, төрийн болон төрийн бус байгууллага, хувцас урлал, зохион бүтээгч, үндэсний үйлдвэрлэгч, хувь уран бүтээлч, судлаач багш оюутнууд оролцож санал бодлоо хуваалцлаа. 

Уулзалтад оролцогчдын санал зөвлөмжийг тусган Боловсрол, соёл, шинжлэх ухаан спортын яамнаас 2019 оны 06 дугаар сарын 05-ны өдрөөс эхлэн Япон Улсын нийслэл Токио хотноо 2020 онд зохион байгуулагдах Олимпийн болон Паралимпийн наадамд оролцох бэлтгэл ажлын хүрээнд монголын баг тамирчид, дасгалжуулагчийн ёслолын болон спортын хувцасны загвар сонгон шалгаруулах уралдааныг албан ёсоор зарлаж, уралдааны удирдамжийг яам, агентлагийн албан ёсны вэб хуудсанд байршуулаад байна. Иймд төр, төрийн бус байгууллага, мэргэжлийн холбоо,уран бүтээлч, дизайнер Та бүхнийг ёслолын болон спортын хувцасны загвар сонгон шалгаруулах уралдаанд өргөнөөр оролцохыг урьж байна.  

Удирдамжийн хуудас нэг, хуудас хоёр, хуудас гурав, хуудас дөрөв  ийг тус бүр дээр дарж татаж авна уу. 

БОЛОВСРОЛ, СОЁЛ, ШИНЖЛЭХ УХААН СПОРТЫН ЯАМ

Манай сайт танд таалагдаж байвал LIKE хийгээрэй. Танд баярлалаа.
Сонин хачин
Санал болгох  
Grandnews tweet
  • 11-20 19:17
    Retweet (39)
  • Retweet (25)
  • Retweet (14)
  • Retweet (9)
  • Retweet (4)
  • Retweet (3)
  • 11-21 10:41
    Retweet (3)
  • Retweet (3)
  • Retweet (2)
  • Retweet (2)
  • Retweet (2)
  • 11-21 10:44
    Retweet (2)
  • 11-21 10:43
    Retweet (2)
  • Retweet (2)
  • 11-21 11:02
    Retweet (1)
  • 11-21 11:01
    Retweet (1)
  • Retweet (1)
  • 11-21 11:07
    Retweet (0)
  • 11-21 11:06
    Retweet (0)
  • Retweet (0)