Эстрадын дуучин Д.Эрдэнэцэцэг агсны дуунуудыг дуулан олонд танигдсан дуучин Э.Болор-Уянга нэгэнтээ "Би эзэнтэй хүнтэй явахгүй" хэмээн ил шулуухан ярилцлага өгч олон эрчүүдийн анхаарал татаж байсан цаг саяхан. Анхны амьдрал нь бүтэлгүйтэж охиноо тэврэн үлдсэн дуучин бүсгүй маань урлагийн сайхан бүсгүйчүүдийн нэгэн адил өрх толгойлсон ганц бие ээж.
Хувийн болоод хувьсгалын ажил амьдралаа хослуулан урлагийн тогоонд чанагдаж яваа Э.Болор-Уянга хаа явсан эрчүүдтэй нэр холбогдож хэвлэлийн хуудаснаа заларч байсангүй. Тэгвэл өнгөрсөн баасан гарагт болсон МУГЖ Б.Сарантуяагийн "Аргагүй амраг" тоглолт дээр нэгэн гадаад эртэй хөтлөлцөн ирж хурсан олны анхаарлыг татсан нь энэ. Урт хар загварын дээл өмссөн Э.Болор-Уянга багшийнхаа тоглолтыг хүндтэй суудалд тухлан эзэнтэй юу, эзэнгүй юу бүү мэд ямартай ч нэгэн гадаад эртэй ийн болзон үзсэн юм. Угаасаа тоглолт дурлалт хосуудад зориулагдсан тоглолт байсан болоод ч тэрүү үзэгчдийн ихэнх нь шинэхэн хосууд буюу дурлалт хосууд байсан юм.
Сэтгэгдэл (11)