Ёстой жинхэнэ Налайхын нүүрс шиг гялтганасан хар нөхөр ганган машинаас цухуйж байх чинь. Хэний машин гээч? За та нар мэдэж байж худлаа асуугаад байгаарай. Тийм, тийм, сагсчин Б.Билгүүний машин. Үндэсний супер лигийн “SBL Хасын хүлгүүд” багийн тамирчин тэрбээр жилд 10-15 саяын цалинтай. Мэдээж арьсан бөмбөг араас нь алгадаад ийм машин унахгүй л дээ. Байгууллагуудтай гэрээ байгуулж рекламанд тоглох, хүүхдийн дугуйлан секц ажиллуулах гэхчлэн олон талаар санхүүгээ бүрдүүлдэг. Харин үндсэн харьяалал нь “Хас” банкны картын удирдлагын төвд ажилладаг. Мэдээж ийм машиныг арай өөр гражид хадгална. Б.Билгүүний гэр “Bella Vista” хотхонд байдаг. Гэрийнхээ гадаа папарацид олонтаа өртдөг нь одуудтай хамт амьдардагаас болж буй хэрэг. Тэр гурван жилийн өмнө гэр бүлгүй байсан. Харин одоо яагаа бол гэж ажиг сураг тавих хүмүүс олон байдаг юм билээ.
Сэтгэгдэл (5)