О.Содбилэг гишүүний гэргий Э.Туул Алдарт эхийн болзол хангасан ч гуалиг хэвээр, бүсгүйчүүдийн аазгайг хөдөлгөж буй. Яасан ч тайзнаас арчигдах “зөөлөн боорцог” биш гэдгээ нотлох мэт өдрөөс өдөрт өнгөжин дэвжиж буй хатагтайн хувилбар, тэгэх тусмаа сайжран боловсорсон хувилбар бас байнаа. Загвар өмсөгч Д.Хүслэн Э.Туулын төрсөн эгчийн охин бөгөөд загварын ертөнцөд гэмгүйхэн гэнэтийн тэсрэлт хийсэн нь саяхных. Эгчийгээ дуурайсан нүүрний хэлбэр, өвөрмөц галбир, содон дүр төрх нь “Гоёо” брэндийг рекламдахад жин бан нь таарсан ч гэж жигтэйхэн.
Орос сургууль төгссөн, СЭЗДС-ийг дүүргэсэн Д.Хүслэн хичээл номдоо шамдан загварыг төдийлөн ойшоож сонирхохгүй ч эгч нь түүнийг “Vogue” ч юм уу дэлхийн томоохон сэтгүүлд зургаа авахуулах болж гэж алсын хараатай дүгнэлт хийснээр энэ ертөнцөд уруу татагдсан юм байх. Дэлхий даяар өвөрмөц шинэ дүр төрхийн эрэлд хатаж буй тул иймэрхүү содон төрх хол явах нь дамжиггүй. Ер нь эдний бүсгүйчүүд уг язгуураасаа өвөрмөц содон төрхтэйн дээр дипломатч эцгийн нөөлгөөр ч тэр үү, эрхэмсэг, ихэмсэг байх нэг онцлогтой юм уу даа.
Сэтгэгдэл (5)