Сайхан хүүхэн олон гэдэг ч бүхэл бүтэн зуун дамжин шагшигддаг тэнгэрлэг нь цөөн бололтой. Зууны манлай сайхан бүсгүй, АЖ Ц.Цогзолмаагийн залуугийн төрхтэй тунчиг адилхан хэмээх алдрыг хүртээд буй энэ золбоолог бүсгүйг Цолмон гэдэг. Одоо цаг болж, жин нэмж танигдахааргүй болсон болохоос залуудаа эрэвгэр алаг нүдээрээ эрчүүдийн зүрхийг ёстой гижигдэж явсан цуутай намтар түүнд бий. Тиймдээ ч “Харанга”-ын “Сүүлчийн шөнө” дууны клипэнд уригдаж, залуу нас, гоо төрхөө мөнхөлсөн.
Уртаашаа ганц клипэнд тоглоод л олны нүдэнд хоногшиж орхисон ч Цоомоо оддын замналаар явахыг хүсээгүй нь даруу зантай нь холбоотой. Мэдлэг боловсрол, хэл ус, зүс царай гэхчлэн бурханы бэлгийг харамгүй хүртсэн бүсгүй Хакухогийн үеэл гэдгээрээ бас олонд нүдлэгддэг. Хакухо эх орондоо ирэх үеэр япончуудад хэлмэрчилж, хамаг ажлыг нь нугалдаг бүсгүй хүнтэй сууж, хүүхэд төрүүлээд жин л нэмчихсэн болохоос одоо ч эрэвгэр нүдэн, дэрэвгэр сормууст. Хэрэвзээ дүр төрхөө жаахан ч гэсэн ашигласан бол цуутай Цооцоогийн энд хүрэх ч байсан юм билүү гэж хүмүүс харамсдаг гэсэн. Нээрээ л зургийг нь харах нь “Цогт тайж” киноны төвд гүнжтэй төстэй ч юм шиг.
Сэтгэгдэл (5)