Хууль зүйн сайд асан Ц.Мөнх-Оргилийг Харвардын коммунист гэдэг байсныг та бүхэн санаж байгаа бизээ. Гэтэл бас нэг Харвардын коммунист Монгол Ардын Намаас Нийслэлийн Иргэдийн Хурлын Сонгуулийн 31-р тойрог буюу Хан-Уул дүүргийн 1,15-р хороонд дэвшсэн гэнэ. Энх тайвны гүүрнээс Зайсангийн гүүр хүртэл, өргөөшөө 120 мянгатаас Замын цагдаагийн төмөр замын гарам хүртэлх нутаг дэвсгэрт хоёр Байгалмаа өрсөлдөж байгаагийн нэг нь Цагааны Байгалмаа юм.
Доктор Цагааны Байгалмаа гэх энэ бүсгүй Улаанбаатарын уугуул нэгэн бөгөөд Ардчилсан хувьсгалын цагаан морин жил алсын Япон орон ойртох цагаар сургуульд сурахаар одсон цагаас хойш 24 жилийн дараа гэнэт л 2014 онд Монголдоо бууж, бүр болоогүй улс төрийн ууган хүчин болох МАН-д орж улс төрийн карьераа эхлүүлсэн нэгэн гэнэ . Тэрээр Японд магистер, Докторын зэргээ хамгаалж, Хамамацу Анагаах Ухааны Их Сургууль, Шизуокагийн Их сургуульд мэдээлэл зүйн багшаар ажилсан төдийгүй алсын Америкийн Харвардын Их Сургууль, Массачюсетсийн Нэгдсэн Эмнэлэгт судлаач эрдэмтэнээр хүртэл ажиллаж явсан нэгэн юм байна. Цагааны Байгалмаа өдгөө МАН дэргэдэх Стратегийн Академийн Эрдэмтэн нарийн бичгийн даргаар ажиллаж буй бөгөөд Ц.Байгалмаагийн улс төрийн цаашдын карьерд амжилт хүсэж, хир хол явахыг нь харах үлдлээ.
Сэтгэгдэл (6)