Онцгой байдлын сайдаар ажиллаж байх хугацаандаа хэвлэл мэдээлэлийн баатар болтлоо алдаршсан “Оюуны ундраа” группын “эзэн” С.Отгонбаяр суусан сэнтий болгон нь халгаатай байсан уу гэмээр очсон газар бүр нь шороо бургиж, эцэс сүүлд нь аавынд хүртэл морилоод авсан билээ. Тэр цагаас хойш С.Отгонбаяр ноёнтон ёстой л усанд хаясан чулуу аятай алга болсон байсан. Сураг ажиг тавихад бизнесээ өргөжүүлж хүү, охин хоёрынхоо арын эгнээнд нүүрээ нууж, нууц ноёнтны дүрээр амьдрах болсон гэнэ. Төр засгаас ч тэр, төрсөн биеэрээ ч тэр олсон зөөсөн юм угийн ихтэй эр, гавьяаг нь хоёр хүүхэд нь л үүрч байгаа гэлтэй. Хаа сайгүй хямрал ярьж байхад охин О.Энэрэл нь хотын А зэрэглэлийн газар буюу хамгийн өндөр түрээстэй дэлгүүрт брэнд хувцасныхаа дэлгүүрийг нээж, их хотын баячуудыг хувцаслах болсон. Ээ тэгээд хувцаслаад, хувцаслаад, зараад зараад овойж оцойсон ашиг олох нь юу л бол гэх юм билээ. Өөрөөр хэлбэл хувцас зарах бизнес тийм ч ашигтай эд биш.
Сүүлийн үед харин баян аавуудын охидоо эрхлүүлэх нэг хэлбэр болсон гэлтэй. “Фортуна”-гийн охин бас л энэ хавьцаа хувцас, даавуухан зарж харагддаг. О.Энэрэлийн тухайд яагаад ч юм олны дуран хараа, хэвлэл олон нийтээс нэлээн зайгаа барьдаг айхтар бүсгүй гэдэг. Гадаадад сурч, гахай шувууны мах идсэн атлаа тийм гэрэвшүү байдаг нь магад махлагийнх байж болох. Нөгөө талаар нууц, нууц бас дахин нууц хэмээх аавын захиас ч байж болох. Тэгвэл хамгийн сүүлийн үеийн мэдээлэлээр ноён С.Отгонбаяр УИХ-ын сонгуульд нэр дэвшихээр мандатаа албан ёсоор авсан гэх мэдээлэл байна.
Эх сурвалж: www.grandnews.mn
Сэтгэгдэл (4)