“Цензургүй яриа” нэвтрүүлгийн хөтлөгч Л.Мөнхбаясгалан өчигдөр албан ёсоор хэвлэлийн хурал хийсэн юм. Түүнийг өнгөрсөн шөнө АНУ-ыг зорих байсан ч цагдаагийн байгууллагаас түүнийг хилээр гарахыг хориглосон бөгөөд түүнийг АНУ-руу зугтах гэж байгаа талаар олон нийтийн цахим сүлжээгээр цацагдсан. Харин тэрбээр оффшор дансны асуудлаар олон улсын эрэн сурвалжлах сэтгүүлчдийн байгууллагатай хамтран ажиллахаар АНУ-ыг зорих гэж байсан аж.
Харамсалтай нь хилээр гаргахгүй Монголын сэтгүүлчид дэлхийн сэтгүүлчидтэй хамтран ажиллах боломжийг хаасанд маш их харамсаж байгаагаа илэрхийлж мөн энэ миний үнэнээ хэлэх сүүлийн боломж ч байж мэднэ хэмээн онцолсон юм. Тэрбээр "одоо намайг 100 сая төгрөгөөр гадаад явах гэж байсан гэх худлаа мэдээлэл тараад байна. Би 17 жил огт юу ч дуугараагүй. Миний гэр бүл намайг гүтгэж доромжилж ирсэн. Утсыг минь чагнадаг. Найз нөхөд танил талаар минь дарамтлуулдаг. Хүнтэй утсаар ярьсан яриа хоёр хоногийн дараа фэйсбүүкт тавигддаг. Би Монгол Улсын иргэнийхээ хувьд эрхээ хамгаалах цаг нь болсон юм байна. 20 жил сэтгүүлчээр ажилласан. Дандаа хүний эрх, эрх чөлөөний явсан. Улсад нэг ч өдөр ажиллаагүй. Нэг ч төгрөг улсаас хуурч мэхэлж аваагүй. Ийм учраас надад цаашдаа амьдрах ажиллах боломж олдохгүй байна. Эрэн сурвалжлах сэтгүүлчээр ажиллаж ирсний хувьд ихээхэн дарамтыг тэвчиж тэсэж ирсэн дээ. Өнөөдөр бол тэвчээр барагдлаа. Магадгүй үнэн үгээ хэлэх сүүлчийн боломж байхыг үгүйсгэхгүй” гэсэн юм.
Сэтгэгдэл (19)