Сониноос, “Ийгл” телевизийн өглөөний эфирээр тун аятайхан боловсон хархүү үзэгдэх болсонд хүмүүс ажиг сураг тавих болж. Угаас эрэгтэй хөтлөгч, сэтгүүлч нүдний гэм тул энэ салбарт шинэ хүн тун содон. Н.Гансүх хэмээх энэ хархүү “Улс төрд шинэ манлайлагч” төсөлд үе тэнгийн 1700 залуустай өрсөлдөн шилдгийн тоонд тунаж үлдэж байв. БНХАУ-ын АУИС-ийг онц дүүргэж мастерын тэтгэлгээр шагнуулж байсан тэрбээр ажлын туршлага хуримтлуулахаар эх орондоо ирсэн нэгэн. “Ийгл” түүний анхны эфир биш. Оюутан ахуйдаа ӨМӨЗО-ны “Одон” телевизийн “Амьдралын хань” нэвтрүүлгийн туслах хөтлөгчөөр ажиллаж байсан аж. Саяхан тэрбээр жиргээчид ерөнхийлөгчтэй өглөөний цай уухад жинтэй асуултууд асуун “акул”-уудыг гайхашруулсан. Ёстой л гэрлийн хурдаар олон нийт цахим ертөнцөд танигдахын зэрэгцээ эмчийн хувьд ч салбартаа багагүй амжилттай яваа тэрбээр цахим ертөнцөд хандивын аян мөн амжилттай зохион байгуулж байсан.
Ардчилсан ерөнхийлөгч хэзээд залууст нээлттэй ханддаг тул залуугийн зоримог шударга байдал эр зоригийг ихэд үнэлсэн гэнэ лээ. Н.Гансүх энэ үеэр ч эрхэм ерөнхийлөгчтэй анх нүүр тулсан юм биш. Ихэд дотно зургууд нь цахим найзуудыг нь хуйлруулж, бөөн бөөн лайк дагуулсан шүү дээ. Жинхэнэ ардчилсан залуусын сонгодог төлөөлөл болж буй тэрбээр энэ удаад аавын үүргээ онцсайн биелүүлж яваад дуран хараанд өртсөн нь энэ.
Эх сурвалж: www.grandnews.mn
Сэтгэгдэл (4)