Биесээ дуурайж үржих дуртай манайхны анхаарлын төвд алив үйл ажиллагааг зохион байгуулдаг продакшн гэх амаргүй ажлыг амжуулдаг шинэ бизнес ороод багагүй хугацаа өнгөрч байна. Ганцаараа ч байсан продакшн нэрээр зүс, нэрээ нуух шахам ажилладаг тэр олон газрын дундаас онцгойрч гарна гэдэг амаргүй нь ойлгомжтой.
Энд тэндхийн томоохон баяр цэнгүүн, ёслолын ажиллагаанд очиход цэмцийсэн залуус инээмсэглэн угтаж бас үдэж өгнө. Тухайн үйл ажиллагааг цаанаа л нэг нарийн тооцож, төлөвлөсөн нь илт, бас чанартай гүйцэтгэж буй нь хэн хүний анхаарал татна.
Сонирхож үзвэл Уран бүтээлийн “Язгуур нэгдэл” гэдэг байгууллага байх юм.
Монголын өнөө цагийн нийгэм, соёл урлаг, спортын шилдэг залуусыг бэлтгэн гаргасан “Найрамдал” зуслангаас угшилтай найруулагч, сэтгүүлч хоёр бүсгүй тус нэгдлийг удирддаг аж. Өөрсдөө ч түүгээрээ бахархан ярих дуртай юм билээ. Том байгууллагаас өвлөсөн туршлагаа өөрсдийн сурч мэдсэнтэйгээ хослуулан шинэ цагийн залууст өөрийгөө хөгжүүлэхэд нь тусалж, тайз дэлгэцийн бүтээлээ туурвихын сацуу хот, улсын чанартай томоохон үйл ажиллагааг хариуцан удаа дараа амжилттай гүйцэтгэж ирсэнд өсч яваа хамт олон юм. Хүүхэд нялхас, залуус, хөгшид гэлтгүй бүх насныхантай ажиллаж, тэднийг хөгжөөж бас хөгжүүлж чаддаг нь Язгуурынхны онцлог юм билээ.
Сэтгэгдэл (13)