“Галакси тауэр”-ын ганган Г.Нандинцэцэг

Хувийн амьдрал, хувьсгалын ажлаа эн тэнцүүхэн гялалзтал амжуулж яваа өнөө цагийн хүчирхэг хүүхнүүдийн армид зүй ёсоор багтах нэгэн нууцлаг бүсгүйг бид дурандлаа. Олон нийтийн үйл ажиллагаанд тэр бүр оролцоод байдаггүй энэ хатагтайг Г.Нандинцэцэг гэдэг. Санхүү эдийн засгийн дээд сургуулийг дүүргэж, Японы Саппорогийн их сургуулийн хэлний институтыг төгссөн түүнийг улс төрийн хүрээнийхэн УИХ-ын Тамгын газарт хүчин зүтгэж, З.Энхболд даргын реферэнт байсан гэдгээр нь андахгүй мэддэг юм билээ. Хэсэг хугацаанд улс төрийн хүрээндээ ч үзэгдэж харагдаагүй байсан учир шалтгаан нь тэрээр барилгын бизнест хүч үзэж, хамгийн сүүлд “Галакситауэр”-ыг барьж босгосонтой нь холбоотой гэнэ.

Тэнхимийн ард, баячуудын хорооллын зүрхэнд орших “Галакси тауэр” үйлчилгээний төв, албан оффис гээд орчин цагийн ажил хэрэгч эрхмүүдийн хэрэгцээг цогцоор нь хангасан, тав тух ч сайтай учир амбицтай бизнесменүүдийг араасаа хуйлруулж, оочер дугаар үүсгээд байгаа гэх. Монголын хамгийн шилдэг интерьертэй шилэн цамхаг сүндэрлүүлсэн нууцлаг, залуу хатагтайг лавшруулж танилцуулахад АНУ-д Хуулийн чиглэлээр давхар сурсан бөгөөд чухам энэ алхам нь түүний үсэрхийлсэн амжилтын эхлэл байсан гэж ойр дотныхон нь тодорхойлдог юм билээ. Өнөөдөр ийм том цамхаг барьж байна, өмнөх нэгэн өдөр УИХ-ын Тамгын газарт ажиллаж байсан, хойшдын нэгэн өдөр улс төрд хөл тавьж, магад цойлж ч мэдэх сийрэг толгой хэмээн улс төрийн хүрээнийхэн шивэр авирхийдгээс үзвэл мань хүн жаатай, зайтай хүүхэн бололтой юм. Ганган, дэгжин ч гэж гайхмаар ганган Г.Нандинцэцэгийг товч танилцуулахад ийм байна.