5 тэрбумаар 2 цаг авч, хүүхдүүдийнхээ нэрийг дээрээ алтаар сийлүүллээ! Rolls Royce
Говийнхон гэж амны хишигтэй улс юм гээч. Ямар одонд төрчихөөрөө ч хаа холын говьд төрж өсчихөөд нийслэл хотын хамаг өөдтэй, өнгөтэй газрыг халаасалж авчихаад, хааяахан нэг нэгээр нь зарчихаад л тэгснээ нутгийнх нь ёолк болохоор дөчин хүнд байр өгөөд л болоогүй хямрал гэж хаа сайгүй орь дуу тавьсан цагт 6 тэрбумаар хоёрхон цаг худалдаж аваад л, хүүхдүүдийнхээ нэрсийг машаан дээрээ алтаар сийлүүлээд л явж байдаг юм. Үгүй ээ мөн их амны хишиг, аз од оо. Хэний тухай ярьж байгааг минь та хэдийнэ таамагласан байлгүй.
Топ секрет мэдээ дуулгахад эрхэм гишүүн Б.Наранхүүгийн халаасанд одоо ч 20 га газар зүгээр хэвтэж байдаг юм байх. Үнэн худлыг хэн мэдлээ.Тэр нь “Дүнжингарав” худалдааны төвийнх нь тэнд юм байх.. Саяхан түүнийхээ ердөө хоёр га-г нь Хятадуудад зарж хямралын үеийн, сонгуулийн өмнөх том цэнэгээ авсан юм байх, манай гишүүн. Тиймээс л нутгийнхаа шинэ жилээр азтан шалгаруулж 10 байр өгнө гэж байснаа хөөрч догдолсон залуусыг харан зүрх нь догдлохдоо дахиад арваар нэмчих үү гэсээр байгаад 40 хүргэсэн гэнэ шүү. Ингэхээр чинь Дундговийн Баян Намсрай нэр авалгүй л яахав дээ.
Баян Намсрай ч ийм өгөөмөр байдаггүй биз дээ. Гэхдээ Михайлд нэг бодол бий гэдэг шиг тэр тийм ч өгөөмөр, өглөгч нэгэн биш гэдэг. Зөвхөн өөрт ашигтай тохиолдолд л өгч, цацалдаг болохоос бусад тохиолдолд амьтай амьтны алгыг дээш нь харуулдаггүйг ойр дотныхон нь ил шулуухан ярих юм билээ. Өөрөөр хэлбэл цаг үеийн жижиг утгаараа та Дундговийнх биш бол, ерөнхий утгаараа бол Б.Наранхүүд ямар нэг байдлаар ашигтай л биш бол түүнээс аврал эрж, тусламж гуйгаад хэрэггүй гэсэн үг. Ёстой амны гарз гэнэ шүү. Мэдэхэд илүүдэхгүй ээ гэж.
Эрхэм гишүүний тансаглал үүгээр дуусахгүй. Түүнд Монголд байхгүй дөрвийн дөрвөн Rolls Royce бий. Түүн дээрээ хүүхдүүдийнхээ нэрсийг алтаар сийлүүлсэн гэнэ. Тэгээд зогсохгүй 2,8 сая ам.доллараар хоёр цаг худалдаж авч газар зарсан мөнгөнийхөө гай, гарлагыг гаргасан гэнэ шүү.
Эх сурвалж "Гранд сэтгүүл"№76
Сэтгэгдэл (44)