Бид та бүхэнд “Баянгол” зочид буудлын гадаа өрнөсөн үйл явдлын фото сурвалжлагыг хүргэж байна. Хэрэг явдлыг дахин тодруулбал, өнөөдөр “Женко” группийн охин компани болох “Түмэн хишигтэн”, “Баялгийн хувь” компаниудын санхүүд шалгалт хийх товтой байснаар тусгайгийнханы хамгаалалт дор шалгалтын хүмүүс дотогш нэвтэрсэн.
Энэ үеэр дотор УИХ-ын гишүүн Х.Баттулга Л.Эрдэнэчимэг, Д.Ганбат нар хамт байсан юм. Нэг талаас Х.Баттулга “Зориудаар баахан цагдаа нар авч ирж асуудлыг хүндрүүлээ” гэсэн авч нөгөө талаас үймээн болохыг мэдээд хамгаалалт авсан гэдгээ ЦЕГ-аас хийсэн мэдэгдэлдээ онцолсон. Цагдаагийнханаас гадна “Баянгол”-ыг зоригсод олон байлаа. Хотын мэр Э.Бат-Үүл, Монголын жүдо бөхийн холбооныхон,
шигшээ багийнхан болон МУГТ Х.Цагаанбаатар, Н.Түвшинбаяр, Асашёорюү Д.Дагвадорж, “Hero” энтертайнментийн найруулагч Б.Баатар, Зам тээврийн сайд М.Зоригт, УИХ-ын гишүүн Г.Уянга, АН-ын бүлгийн дарга Г.Гарамгайбаатар, УИХ-ын Өргөдлийн байнгын хороон дарга Ж.Батзандан, Цензургүй яриа" нэвтрүүлгийн хөтлөгч, сэтгүүлч Л.Мөнхбаясгалан, “Цэрэн турс” компанийн захирал Э.Цэрэндолгор болон
Х.Баттулгын хүү охин хоёр, түүнийг дэмждэг Баянхонгорчууд мөн цуглаад байв. Өнөөдрийн хувьд “Баянгол” зочид буудалд 24 орны 250 орчим зочид, төлөөлөгчид байрлаж байсан аж. Үйл явдлын өрнөлд 500 цагдаа хүч нэмэн ирнэ гэсэн шуугиан дэгдэхэд “Баянхонгороос 500 машин хүн гарсан” гэж Х.Баттулгын дэмжигчид хариу мэдэгдэв. Ямартай ч олны түгшиж байсан баривчилгаа явагдаагүй ба тэрбээр Төрийн ордонд үйл явдалтай холбогдуулан мэдэгдэл хийх байснаа цуцалж “Баянгол” зочид буудлынхаа гадаа олон нийтэд дуу хоолойгоо хүргэхээр болоод байна.
Эх сурвалж:www.grandnews.mn
Сэтгэгдэл (15)