Улс төрийн уур амьсгал илт сэргэсэн энэ цаг мөчид өрсөлдөөний талбарт аль ч намд бүсгүйчүүдийн тулаан ширүүхэн өрнөх нь.Ууган улс төрийн хүчин МАН олон лидер бүсгүйчүүдтэйнх , чухам хэн хэн тодрохыг олон нийт анхааралтай ажиглаж байна.Ирэх сонгуулиар намын жагсаалтад орох бүсгүйчүүд дотор Ц.Цогзолмаа, Ц.Гарамжав, Х.Булгантуяа нарын нэр тод дуулдаж байна.
Ц.Цогзолмаа нь төрийн өндөр хариуцлагатай алба хашиж байсан. 2014 оноос Нийгмийн Ардчилал Монголын Эмэгтэйчүүдийн холбооны Ерөнхийлөгчөөр сонгогдон ажиллаж буй. Намын бүсгүйчүүдээ нэгтгэн зангидаж олон ажлууд хийсэн,улс төрийн аатай зангарагтай бүсгүйчүүдийн нэг. НАМЭХ –н Ерөнхийлөгч болсноосоо хойш тэрбээр мянган эмэгтэйн чуулган, эмэгтэйчүүдийн амьдралын чанарын судалгаа,”Эмэгтэйчүүд нэгдвэл нийгмээ өөрчилнө” уриан дор нийслэлийн 9 дүүрэг , 21 аймгаар явж эмэгтэйчүүдийн зөвөлгөөн уулзалт хийж байсан нэгэн.
Өнгөрсөн онд Азийн хүчирхэг 50 эмэгтэйн нэгээр шалгарч, эх орныхоо нэрийг олон улсад өргөсөн “Монполимет”-ийн Ц.Гарамжав эх орондоо хийж бүтээснээрээ өөрийгаа тамгалаад, дархалчихсан нэгэн. Түүний тухайд улс төрийн намтар түүх нь нэр дэвшигчээс авахуулаад сайдын сэнтий хүртэл яригдана. Өнгөрсөн сонгуулиар төрөлх Булгандаа хүч үзэхээр зэхэж байгаад эцсийн мөчид Ё.Отгонбаярт тойргоо алдсан нь чухам ямар учир жанцантай байсан нь одоо ч оньсого хэвээрээ байгаа.
Магад эмэгтэй хүн учраас эрчүүдийн улс төрийн хоронд унасан байж болох. Бусдаар нэр дэвшинэ гэж туг далбаа намируулж явж явчихаад эцсийн мөчид суудал тойргоо ханцуй дотроо наймаалцах хэмжээний “совесьт” хийгээд сонирхол түүнд байхгүй. Учир нь түүн шиг баялаг бүтээгчид, ядахдаа л тоо бодож, тооцоо гаргадаг инженерүүдийн толгой улс оронд хэрэгтэй болсон цаг билээ.
МАН –н нарийн бичгийн дарга Х.Булгантуяа надад намд хандивлах мөнгө байхгүй харин сэтгэл зүрх бол байна хэмээн нэгэнтээ хэлж байсан.Энэ суудалд удна гэсэн хүлээлт байгаагүй ч тэр ажлаа тогтвортой хашин эрчүүдтэй энэ зэрэгцэх болсон ууган намын залуу боловсон хүчин. МАН ирэх сонгуульд баялгийг бүтээгч манлайлагч эмэгтэйчүүдээ дэмжиж ажиллахнээ.
Эх сурвалж:www.grandnews.mn
Сэтгэгдэл (18)