Цөөхөн монголчууд дундаас дэлхийн сонгодог урлагийн тайзыг эзэгнэх сод хоолойтнууд төрөн гарсаар буй. Дуурийн дуучид гэж цалингаа хүнд хэлэхээс ичдэг ч уран бүтээлдээ, ажилдаа тунчиг хайртай зүрхнээсээ дуулдаг хүмүүс байдаг. Эрчүүд голдуу тодрох тул тэдэн дундаас төрөн гарсан бүсгүйчүүдээс “Алтан гургалдай” алдрыг хүртсэн цөөхөн хэдээ ихэд хүндлэх нь бий. Тийм нэг чадварлаг бүсгүй бол МУГЖ С.Мөнгөнцэцэг. Дипломатч айлын бэр, удам угсаа язгуур сайтай энэ бүсгүй хоёр дахь хүүхдээ төрүүлсний дараа яг л шинэ хүн шиг гарч ирэв.
Хувийн амьдрал, үрийн зулай үнэрлэх асуудлыг хойш нь тавин тавин дурлаж ажилладаг гэхлээр тэр чин сэтгэлээсээ ажилдаа хайртай юм. “Учиртай гурван толгой” дуурийн Хоролмаагийн дүрд 2007 оноос хойш 20 гаруй удаа тоглоод буй тэрбээр өөрийгөө рекламдаж өмссөн зүүснээрээ намжирдаж гүйхгүй болохоор мэдэхгүй хүмүүст шинэ хүн мэт л сэтгэгдэл төрүүлнэ шүү дээ. Ямар ч өндөр үнэ амласан олон нийтийн “будаатай хуурга” шиг арга хэмжээнд оролцдоггүй түүнийг 2009 оны “Алтан сарнай”-н тайзнаа нэг гарсныг зарим нь санаж байгаа байх. Европжуу төрх, тайзны хувцастай нь харж дассан болохоор эв энгийн байгаа үед нь танихгүй зөрөх нь байна шүү.
Сэтгэгдэл (7)