С.Эрдэнэ сайдыг АТГ шалгаж байгаа гэх мэдээлэл хэвлэлүүдээр гарсны дараа тэрбээр эрс үгүйсгэсэн байр сууриа саяхан илэрхийлсэн. Нийгмийн даатгалын сантай холбоотойгоор АТГ-т шалгагдаж байгаа гэх мэдээллийн цаана сонгуультай холбоотой дайралт яваа хэмээн тэр үзэж байгаа аж. Учир нь тэрээр “Сонгууль ойртож байна. Яг энэ асуудлаар надад албан ёсоор шалгалт хийнэ гэдгээ АТГ мэдэгдээгүй. Харамсалтай нь санаатай, санамсаргүй байдлаар ташаа мэдээлэл цацагдаж байна.
Энэ удаад ч биш. Оны өмнөөс яригдаж эхэлсэн. Манайхан улс төр хийхдээ цэвэрхэн хийж сурах хэрэгтэй. Төрийн байгууллагын нэр хүндийг гутаахыг оролдсон, мөрөөрөө ажлаа хийж байгаа төрийн албан хаагчид руу дайрсан үйлдэл, үйл ажиллагаагаа болих хэрэгтэй. Энэ бол Монголын улс төрд үеэ өнгөрөөсөн зүйл. Харин хэн нотлох баримттай бусдыг шүүмжилж чадаж байна гэдгээр нь харах хэрэгтэй” хэмээн хатуухан үгийг АТГ-т дайгаад авсан. Ямартай ч хийе гэсэнээ хийчихдэг, хэлье гэснээ хэнд ч, хаана ч, хэнээс ч айхгүй хэлчихдэг С.Эрдэнэ сайдад алга ташин баяр хүргэх нэгэн байхад ад үзсэн хүмүүс ч олон байна. Харин мань эр энэ бүхнийг тоосон ч шинжгүй гэр бүлээрээ салхинд гарсан шигээ, “Над шиг цэвэрхэн улс төр хий” гэсэн үгээ батлах мэт хээвнэг алхаж яваа нь энэ.
Эх сурвалж:www.grandnews.mn
Сэтгэгдэл (4)