П.Анужингийн экс нөхөр “Лайв Энержи групп”-ын захирал А.Эрдэнэбат өнөөдөр сэтгүүлчдэд мэдээлэл хийлээ. Тэрээр “Миний бие одоогоос гурван жилийн өмнө мэргэжлийн сумогийн 68 дахь их аварга Д.Давгадорж болон түүний ах Д.Сумъяабазар, Үндэсний хөрөнгө оруулалтын банкны ТУЗ-ийн дарга Б.Баярсайхан нартай танилцаж, манай төслүүд дээр хөрөнгө оруулалт хийх хөрөнгө оруулагчийг надад танилцуулсан.
Тэрхүү хөрөнгө оруулагч нь “Хуан Жу Гэг” киноны гол дүр Хятадын алдарт жүжигчин Жао Вэй-ийн нөхөр Хуан Ёу Лун.Бидний энэхүү төсөл дээр нэмэлт хөрөнгө оруулалт хийхээр Хуан Ёу Лун миний нэр дээр 10 сая ам.долларын зээлийн гэрээ хийж, Үндэсний хөрөнгө оруулалтын банкаар дамжуулан миний дэр дээр хоёр хувааж тус мөнгийг хийсэн. Харамсалтай нь тус мөнгөнөөс надад ганц ч доллар оногдоогүй. Бүх мөнгийг их аварга Д.Давгадорж болон түүний ах УИХ-ийн гишүүн Д.Сумъяабазар нар хувьдаа зарцуулсан.
Ингээд Хуан Ёу Лун миний аваагүй 10 сая ам.долларыг 15 сая ам.доллар болгон надаас нэхэмжилсэн тул миний бие уг хэргийг хуйвалдаан залилангийн шинжтэй гэж үзэн Монголын хууль хяналтын байгууллагад шалгуулж байна хэмээн хэвлэлийн хуралаа өндөрлүүлсэн юм.
Эх сурвалж: www.grandnews.mn
Сэтгэгдэл (3)