Телевизээр ер нь тодруулж болохгүй хүн, хийж болохгүй юм гэж үгүй. Ямарсайндаа турахдаа хүртэл тв реалити шоунд орж түмэн олны өмнө өөх, махаа “гайхуулдаг” боллоо шүү дээ. Хоол хийсэн ч телевизээр, арай л 00 орохдоо тэгдэг гэж телевизээр гарахгүй байх шиг. Байтлаа улс төрийн дараа үеэ ч теле нэвтрүүлгээс эрэн “Аргаа барахдаа аавынхаа толгойг маажна” гэдэг шиг бэдэрч яваа энэ үед бид хэр сүрхий залуус эх орондоо газардаад буйг дурандлаа.
Нэгэнтээ “Улс төрд шинэ манлайлагч ” төсөлд 1700 залуу эссе бичсэнээс шалгаран, шилдгийн тоонд тунаж үлдсэн Н.Гансүх хэмээх энэ залуу БНХАУ-ын АУИС-ийг онц дүүргэж, магистрын тэтгэлгээр шагнуулсан ч эх орноо зорьж ирсэн гэнэ. Нийтдаа арваас дээш жил суралцдаг эмчийн мэргэжлийг тууштай суралцан эзэмшсэн тэрбээр эх орондоо ирэнгүүтээ эрүүл мэндийн цуврал нэвтрүүлэг хийж байсныг үзэгчид санаж байгаа байх. Оюутан ахуйдаа ӨМӨЗО-ны “Одон” телевизийн “Амьдралын хань” нэвтрүүлгийн туслах хөтлөгчөөр ажиллаж байсан тэрбээр бусдаасаа туршлагаараа илүүрхэж байв. Анхандаа улс төрчдийг теле нэвтрүүлгээр эрж олон бэлдэнэ гэдэг инээдэм гэж олон хүн гоочилж байсан ч эрэл үр дүнгээ өгч эхэлсэн явдал. Н.Гансүх шиг олон олон чадварлаг залуус бийг мэдээд олон хүнд ирээдүйд итгэх итгэл төрсөн байх.
Хэдийнэ гэр бүл зохиож хувийн амьдралаа төвхнүүлчихээд хилийн чанадаас эх орондоо хийж бүтээхээр ирсэн Н.Гансүх үеийнхнийхээ хамтаар “Төрөө засах”-аар мэрийж байна. Бодоход манай улс төрчид дунд эрүүл мэндийн салбараас төрөн гарсан хүн манлай хүн ховор байдаг байх шүү. Өдгөө “Eagle” телевизэд өглөөний хөтөлбөр хөтөлж байгаа ирээдүйн улс төрийн одыг товч танилцуулахад ийм байна.
Эх сурвалж: www.grandnews.mn
Сэтгэгдэл (10)