Анхны нөхөр жүжигчин Б.Тамираас салж олон эрчүүдтэй нэр холбогдсон жүжигчин Золоо хамгийн сүүлд энгийн нэгэн залуутай амьдралаа холбосоноо албан ёсоор зарлаад байсан цаг өнгөрсөн жил. Гэтэл ойндоо хүрэхгүй хосууд салсан талаар чих дэлсээд байсан нь үнэн болж тэрээр цахим сүлжээн дэхь найз залуутайгаа байсан зургаа бүгдийг нь устгасан байна.
Тэд хамтран үсчин, гоо сайхны салоныхоо үүд хаалгыг өнгөрсөн жил өдийд “Наран” их дэлгүүрийн дөрөвдүгээр давхарт нээж байсан. Харамсалтай нь хосууд салж салон нь жүжигчин Золоогийн нэр дээр үлдсэн сурагтай. Түүгээр ч барахгүй жүжигчин Золоо “Наран” их дэлгүүрийн эзэн С.Болдхэтийн хүү, группийн өв залгамжлагч Б.Аргунтай тэврэлдэн ийн зургаа фээсбүүк хуудаснаа тавьж найзуудыгаа алмайруулаад авсан байна.
Саяхан л шинэ найз залуутай болж хэзээ ч салж хагацахааргүй мэтээр аашилж, аяглаж байсан жүжигчин бүсгүй дахин шинэ сонголт хийсэнд нь найзууд нь ихээхэн гайхсан бололтой. Ямартай ч экс нөхөр нь түүнээс дутахааргүй олон бүсгүйчүүдтэй учир ургуулж, эцэс сүүлд нь мисс бүсгүйтэй романсалдаж байгаагаа энэ үед Золоо ч дутсангүй. Юутай ч группийн өв залгамжлагчтай дурлалын түүхээ эхлүүлж харин цаашаа хэр хугацаатай үргэлжлүүлэх үү үгүй юу гэдгийг ёстой л цаг хугацаа харуулах байх. Харин жүжигчин бүсгүйг “Наран”-гийн боссууд хүлээн зөвшөөрч албан ёсны бэрээ болгох уу үгүй юу гэдэг ч цаг хугацааны асуулт хэвээр үлдээд байна.
Эх сурвалж: www.grandnews.mn
Сэтгэгдэл (12)