“Ард түмнээ хайрлая” нэртэй нам байгуулж ирэх сонгуульд өрсөлдөх гэж байгаагаа зарласан Л.Гүндалай сүүлийн үед “Гүнбалай” нэртэй болоод буй. Учир нь “Монголоороо байгаасай” гэх дууг эрүүл согтуу нь мэдэгдэхгүй дуулж үнэнч фэнүүдийнхээ эгдүүцлийг хүргэж ийн нэртэй болоод амжсан. Аргагүй л дээ ард түмэн нь түүнийг тоож харахгүй байгаа энэ цагт ийм дуу дуулаад ч болов анхааралыг татая гэж зорьсон ч юм билүү. Түүнд нүүр номын найзууд нь ийн нэрийдсэн билээ. Харин түүний гэр бүл буюу гурван охин, мисс гэргий нь ёстой л нүд эрээлжлэм олон өнгийн хувцасаар гангарсан нь манай дуранд ийн буужээ.
Хаанаас нь харсан ч аргагүй л Л.Гүндалайгийн гэр бүл бултаараа явж байна гэдгийг хэн ч хараад танихаар харагдаж байгаа биз. Орчин үед хүмүүсийн шимтэн тоглоод байдаг “Candy Crush” тоглоомын өнгийг утгаар нь хувцаслалт дээрээ гаргаж үс гэзэгээ хүртэл өнгө өнгөөр будсан аж. Өмссөн зүүсэн нь дуулсан дуу нь хүртэл бусад гэр бүлүүдээс онцгой содон байх юм гээч. Бусдаасаа онцгойрч, олны анхаарал татсан гээд ирэх сонгуульд гардаг болов уу яадаг бол. Ямартай ч Л.Гүндалайгийн хүсэл бүхэн ирэх сонгуульд биелэх болтугай гэж ерөөхөөс өөр сонголт үлдсэнгүй.
Эх сурвалж: www.grandnews.mn
Сэтгэгдэл (23)