Хакухог анх Японы тэргүүн баяны охинтой сууж дээдсийн хороололд амьдран суудаг гэж Японы хэвлэлүүд шуугиж байсан цаг саяхан. Баян бизнесийн охин л гэхээс биш хаана сурсан гэдгийг тэр бүр хүмүүс мэддэгүй. Тэгвэл Их аваргын гэргий Саёко Вадо нь Японы хамгийн нэр хүндтэй сургууль буюу Эзэн хааны сургуулийг төгссөн аж. Тус сургууль нь шалгуур өндөртэйгээс гадна гарал угсааг нь харж сургуульдаа элсүүлдэг уламжлалтай. Учир нь эцэг эхийн амьдралын түвшинг нь харж сургуульдээ элсүүлдэг байна. Түүнээс биш Эзэн хааны сургуульд хүссэн хүүхэд бүхэн сураад байдаггүй.
Их аваргын том охин Юнрэнцоо нь Эзэн хааны сургуулийн шилдэг сурагч нарын нэг бөгөөд анх шалгалт өгч нэгээр гарч ирсэн гэдэг. Харин хүү Мөнхжаргал нь сүмод сонирхолтой, аавынхаа шийрийг хатаах хүү гэж шар хэвлэлүүд бичдэг. Аварга ч хүүгээ сүмогийн дээд цолтой бөх болгон хэмээн ам гарч байсан удаа бий.
Ямартай ч 69 дэхь Их аваргын гэргий нь хүү, охин хоёроо өөрийнхөө сурч боловсорсон сургуульд сургаж боловсрол мэдлэгт нь ихээхэн анхаардаг аж. Японы хэвлэлүүд аваргын алдартай хүүхдүүд гэж нэрийддэг байна.
Эх сурвалж: www.grandnews.mn
Сэтгэгдэл (6)