Оюутны ширээнээс хөтлөлцөн их урлагт хөл тавьсан МУГЖ С.Жавхлан, МУГЖ Т.Баясгалан нар нийтийн дууны оргил үед мандан бадарч явсан цаг саяхан. Хослон дуулж хонгор найзуудын гэнэхэн үерхэлээр үргэлжилсэн тэдний зам тийм ч урт байсангүй тус тусынхаа зам мөрийг хөөгөөд багагүй хугацааг үдсэн.
Хамтран дуулах нь бүү хэл хамт явж харагдахаа байсан нийтийн дууны ханхүү, гүнж нар өдгөө хэд хэдэн хүүхдийн аав ээж болсон тэд олон жилийн дараа ийн хамтран уран бүтээлээ хийж байгаа нь үнэнч фэнүүдэд нь ихэд сонихон байгаа бололтой. Цахим сүлжээгээр “мөн ч их хүлээлээ дээ” гэх нэртэй тэдний фото зураг ёстой л хүчээ авч байна. Саяхан л гэхэд У.Далантай, С.Эрдэнэцэцэг нар хамтран дуулж, тоглолт, CD-гээ гаргаад амжсан бол тэдний араас С.Жавхлан, Т.Баясгалан нар ийн дөрөө нийлүүллээ. Урлагаас тэр дундаа нийтийн дуунаас хамтран дуулж хослон амьдарсан хосууд олон. Харамсалтай нь хослон дуулдаг ч ханилан жаргах тавилангүй салсан амраг хосууд олон. Анхдагч нь У.Далантай, С.Эрдэнэцэцэг, С.Жавхлан, Т.Баясгалан нар байсан. Тэгвэл тэдний араас Ч.Бат-Эрдэнэ, Э.Оюумаа, Н.Баасандорж, Ц.Түмэнжаргал нар хамтран уран бүтээлээ хийж үнэнч фэнүүддээ баярлуулах болов уу яах бол гэх хүлээлт гарах байх шүү.
Ямартай ч эрхэм хоёр гавьяат маань хамран уран бүтээлээ хийж мөн ч их хүлээлгэсэн фэнүүдийнхээ сэтгэлийг баясгаж, сонорыг мялаах нь тун удахгүй гэсэн шүү. Сар шинээр тэдний уран бүтээлийг сонсож бүр цаашилбал хамтарсан тоглолтыг ч үзэж мэдэх нь байна шүү.
Эх сурвалж: www.grandnews.mn
Сэтгэгдэл (11)