Залуу жүжигчин Д.Оюунзул хэмээх энэ бүсгүйг үе тэнгийнхэн нь “Ах дүүс” киноны рок охины дүрээр андахгүй. Тэр цагаас хойш сураг алдраад байсан бүсгүй хаана байсан гэвэл элит театр болох “Black Box”-ын зүрх нь болж байж шүү. Өвөрмөц вкустай үргэлж шинийг сэдэж байдаг бортгон малгайт “Боролдой” Б.Мягмарын хараанд энэ олон жүжигчдээс торсон нь тохиолдол биш. Адармаатай, амаргүй сонгодог жүжгүүдэд гол дүр бүтээн “Хүний дуу хоолой” жүжгээр энэ жил “Гэгээн муза” гардсан нь залуу бүсгүйн чансааг илтгэв. Гэвчиг сонгодог театр болоод урлагийнхан хэзээ ч масс дунд од байдаггүй. Ямартаа л бүсгүйг харсан хүмүүс балетчин ч юмуу гэж эндүүрч байдаг шүү. Массын бүтээл болох шил шилээ дарсан олон кинонд цухас ч үзэгдэхгүй байгаа залуу жүжигчин хэт олны танил, “реклам”-ны байх дургүй юм болов уу даа. Сонгодог урлагийн сувд болон гялалзаж буй тэрбээр ганц бие, бараг театртайгаа “гэрлэсэн” үү гэмээр гэмгүй, гэгээхэн гэнэ лээ. Харчууд минь хараад, тогтоогоод ав.
Сэтгэгдэл (2)