Яаж аз, од нь гийсэн хүн гэхээрээ ийм баян байдаг байнаа хэмээн энэ гэр бүлийг ойр хүрээнийхэн нь дуу алддаг гэдэг. Энэ бол “Алко” хэмээх архины үйлдвэрийн эзэд болох эхнэр нөхөр Т.Батсайхан, Туяа нар. Юун АПУ, юун СББ бололтой, “Алко” групп хэмээх энэ компани байгуулагдаад арван жил болоогүй ч гэсэн Монголын спиртийн зах зээлийн дийлэнхийг атгаж байгаа гэх. Тэр мөртлөө эзэд нь тун ч нууцлаг. Солонгост голцуу амьдардаг эдний гэр бүл, тэр дундаа ноён Т.Батсайхан хэзээнээсээ урлагийнхныг хэдэн саяар нь ивээн тэтгэж, хаялга, нүнжиг харуулсаар ирсэн хөрөнгөлөг нууц ноёнтон гэх яриа эртнээс явдаг байлаа. Зах зээлд “Монгол”, “Найман шарга”, “Галт ус” хэмээх архи гаргадаг тус компани “Би Цэ трейд” хэмээх нэртэйгээр 2003 онд байгуулддаж байсан бөгөөд группийн эзэн ноён Т.Батсайхан “Женко” Х.Баттулгатай эртний сайн найзууд гэдэг.
Тус групп сүүлийн үед гэргийнхээ нэрээр, тодруулбал тансаг дэгжин Туяа хатагтайн толгой эргэм тансаглалаар олонд танигдаад буй. Юмтай хүн юмаараа гайхуулна гэгчээр мөнгө зоосыг шуудай шуудайгаар нь авчрах болсон спиртийн үйлдвэр нь “Алко” группийн тэргүүн хатагтай Туяа хэмээх энэ бүсгүйг энэ дэлхийн хамгийн үнэ цэнэтэй, хамгийн тансаг бүхнийг энэ биедээ эдэлж хэрэглэх боломжийг олгосон гэлтэй. LV-ийн №1 худалдан авагч гэгддэг энэ бүсгүйн хувцасны өрөө нь гэхэд баргийн айлын бага өрөөнөөс хэд дахин том, уужим саруул, зай талбай томтой эд байдаг гэнэ лээ.
Тэгвэл энэ удаад дэгжин хатагтай Африкаас байгалийн засаагүй цэвэр алмазыг 120.000 ам.доллар буюу 200-гаад сая төгрөгөөр худалдаж авч энэ насны эд хогшлынхоо дээдийг авсан аж. Африк бол алмазны орон. Эндээс бүх дэлхийн дийлэнх алмаз эрдэнэ гардаг гэж болно. Алмаз эрдэнэ гэдэг эрдэнийн чулууны эрхэм дээд зиндаа, хамгийн үнэтэй чулуу. Эзнээ хамгаалж, ивээж явдаг гэх домогтой. Засаагүй байгалийн том алмаз гэдэг хэдэн үе дамжсан ч урлагийн үнэт бүтээл лүгээ адил үнэ цэнэ нь өсч, өв хөрөнгийн дээд болж явдаг. Энэ утгаараа Туяа хатагтай эл алмазыг авсан биз ээ. Ингэхэд эдний ууган охин Дөлгөөн хэмээх махлагдуу, хээгүй бүсгүй уг нь Францанд дээд сургууль дүүргэсэн гэдэг. Өдгөө эцэг эхийнхээ хийж бүтээснийг залгамжилж, группийнхээ гадаад харилцаа, маркетинг сурталчилгаа гээд гол зүйлээ базаж ажилладаг гэдэг.
Эх сурвалж;www.grandnews.mn
Гранд сэтгүүл;№23
Сэтгэгдэл (26)