Монголын нийтийн дууны урлагт хүчээ үзэж, өөрийн гэсэн өнгө төрхөө олсон залуу дуучин Д.Найдандорж “Хайраар зөөлөрдөг хорвоо” анхны бие даасан тоглолтоо энэ сарын 30-нд үзэгч ард түмэндээ толилуулахаар боллоо.
Хөвсгөл нутгийн залуу дуучин багаасаа дуучин болохыг мөрөөдөж түүнийхээ төлөө шаргуу хичээж хөдөлмөрлөсөөр СУИС-ийг амжилттай төгсөж оюутан ахуй цагаасаа хэд хэдэн дууг үзэгчиддээ хүртээл болгосон билээ. Түүний анхны бие даасан тоглолтонд МУГЖ Д.Энхзул, Э.Чинбаяр, МУГЖ Ө.Уянга, Я.Гэрэлчулуун, Б.Болд, Э.Чулуунчимэг, Б.Хандмаа, Х.Мөнгөнцэцэг нар ая дуугаа өргөн оролцохоор болжээ. Түүний хийж бүтээсэн уран бүтээлийн дээжэс бүхэн хайраар зөөлөрч монголын дуунд дуртай, дуугаар хөглөгддөг хэн бүхэнд хүрэх болно.
Залуу дуучны зөөлөн хайрын аялгуу чухам ямар болохыг тун удахгүй мэдрэх нь байна шүү.
Эх сурвалж: www.grandnews.mn
Сэтгэгдэл (6)