Өчигдөр УИХ-ын гишүүн Ц.Оюунгэрэл нэгэн сонирхолтой зураг нийтлэв. Энэ гэрэл зурагт өнөөдрийг хүртэл сэтгэгдэлүүд “бөмбөгдсөөр”. Сэтгэглийг уншвал, 1998 оны үеийн энэхүү зургийг харсан хүмүүс ерөнхийлөгчөө хип хоп холбооны ерөнхийлөгч Баавартай андуурчээ.
Ерөнхийлөгчийн хажууд нь тухайн үед түүний туслах байсан одоогийн УИХ-ын гишүүн Ц.Оюунгэрэл зогсож харагдана. Тэрээр ёстой л "тас хархан гэзэгтэй" гэдэг шиг урт үстэй байж.
Энэ зургийг хараад зарим хүмүүс ерөнхийлөгчийг маань "сумын атаман"-тай ч зүйрлэж, харин Ц.Оюунгэрэл гишүүнийг “сумын мисс” хэмээн хочлож, "гэзэгний чинь үзүүр сэрэл хөдөлгөөд байнаа" хэмээн аялаад амжсан байна. Гэрэл зургийг дэлгэсэн Ц.Оюунгэрэл гишүүний зурагны тайлбарыг засваргүйгээр “Онцлох контент” та бүхэнд хүргэж байна.
“Миний 1998 оны хавьд ЭБ даргатай авахуулсан нэг ийм зураг байдаг юм байна. Твиттерт гараад ирж. Үснийхээ үзүүрт гар маань хүрэхгүй, гэзгээрээ хүзүүгээ ороож байж үзүүрийг нь сүлждэг байсан санагдана” гэжээ.
Дашрамд дуулгахад, Ц.Оюунгэрэл гишүүн энэхүү уртаас урт гэзгээ 2000 оны эхээр тайруулчихаад олон жилийн туршид хадгалж явсан байдаг. Харин найз Ц.Баясгалангаа “Ану хатан” жүжгийн түүхэн дүр бүтээхэд өөрийнхөө үсийг бэлэглэж байсан аж.
Эх сурвалж www.grandnews.mn
Б.Дэжид
Сэтгэгдэл (7)