УИХ-ын найман гишүүн Ерөнхий сайд Ч.Сайханбилэгийг огцруулах тогтоолын төсөлд гарын үсэг зурсан нь ил боллоо. Давхар дээлтэй зургаан сайдыг томилох үеэр УИХ-ын гишүүн Г.Уянга, Ерөнхий сайдыг огцруулах тогтоолын төсөлд гишүүдээс гарын үсэг цуглуулж байгаагаа мэдэгдсэн юм. Тэгвэл тэрээр өөрийн сошиал сүлжээгээрээ уг тогтоолын төсөлд гарын үсэг зурсан гишүүдийг ил болгов.
Эдгээр дунд "Шударга ёс" эвслээс Г.Уянга, Л.Цог, О.Баасанхүү нар, МАН-аас Б.Бат-Эрдэнэ гарын үсгээ зурсан бол АН-аас Р.Амаржаргал гарын үсгээ зуржээ. Мөн Х.Болорчулуун, Ц.Даваасүрэн, С.Ганбаатар зэрэг бие даагчид ч албан бичигт гарын үсэг зураад байгаа юм. Тун удахгүй намрын чуулган эхэлнэ. Намрын чуулганаар магадгүй гүйцэтгэх засаглалын тэргүүний байр суурийг хэлэлцэхийг үгүйсгэхгүй.
Эх сурвалж www.grandnews.mn
Б.Дэжид
Сэтгэгдэл (3)