Монгол Улсын Ерөнхийлөгч Ц.Элбэгдорж заримдаа зангарагтай загнаж, хүчтэй үг хэлдэг.
Тэр өчигдөр болсон Монголын сэтгүүл зүйн дээд шагнал “Балдорж” нэрэмжит шагнал гардуулах ёслолын үеэр эрхэм Ерөнхийлөгч ийн айлдсан юм.
“Түмэн олны нүдэнд Төр хамгийн ойр харагддаг учраас Төрийг шүүмжлэх нь элбэг байдаг. Нийгэмд өчнөөн асуудал байхад зөвхөн Төрийг шүүмжлээд байдаг нь тэнэг хүний ажил гэж би ойлгодог” гэв. Энэ үгэнд эгдүүцэх нэг нь байхад, “үнэн ш дээ” хэлэх нэг нь ч байна.
Үнэндээ, Төр гэдэг чинь ард түмэн та бид.
Хуучцуул “Төрийн сүлд минь өршөө” хэмээн сүсэглэн, залбирдаг байсан. Гэвч сүүлийн үеийн ээж аав битгий хэл эмээ, өвөө нарын амнаас энэ үг “унахаа” больжээ. Харин ч тэдэнд эсрэгээрээ, Төрөөс гаргасан шийдвэр бүрийг буруутгах болсон. Эцсийн эцэст бидний хар муу санаа илүү хөгжчихсөн юм бишүү.
Ер нь бол цэцэн ард түмнээс сайн Төр, тэнэг ард түмнээс муу Төр "төрнө" шүү дээ.
Эх сурвалж www.grandnews.mn
Б.Шархүүхэн
Сэтгэгдэл (5)