Төрийн ордонд яг одоо УИХ-ын чуулган үргэлжилж байна. Өнөөдрийн чуулганаар Өршөөлийн хуульд тавьсан Ерөнхийлөгчийн хоригийг хэлэлцэж байна. Гэтэл энэ үеэр УИХ-ын гишүүн, Барилга хот байгуулалтын сайд З.Баянсэлэнгэ “балайрч”, өөрийн намын дарга Н.Энхбаярыг илт өмөөрсөн үг хэлэв.
Тэрээр “Хэн нэгэнд зориулж гаргадаггүй юм. УИХ-ын шийдвэрийг мушгин гуйвуулж, төөрөгдүүлэх санал хэнд байна вэ гэдгийг улстөрчид харж байгаа гэж найдъя. АТГ-ын мэдээлэл худлаа байсан. УИХ-ын 76 гишүүн биш нэг гишүүн байсан. 300 гаруй тэрбумын асуудал биш 32 тэрбумын л асуудал байж. Энэ хууль авлигын эсрэг хууль. Төрийн буруу үйл ажиллагаанаас болж хохирч байгаа жирийн иргэдийг өршөөх хууль. Албан тушаал эрхэлж байсантай нь холбоотой гэж ялгах талаар бид Үндсэн хуульдаа оруулаагүй. Гэтэл эрхэлж байсан албан тушаалаар нь ялгаварлаж байна. Бид ард түмэндээ нэг удаад хайр ивээлээ өгөх гэж байна. Хуулийн төслийн ганц амин сүнсийг таслаж авах гэж байна. Энэ хуулийн амин сүнсийг таслаад авчихаар яах вэ. Төр гаргасан шийдвэртээ Төр шиг бай. Ард иргэдийн буруу ташаа мэдээллээс үндэслэж өөрөө өөртөө худлаа дүн тавьдгаа боль” хэмээн хэлэв.
Түүний энэхүү үг олон нийтэд тийм ч таатай санагдахгүй байгаа юм. Учир нь дээрх хууль батлагдснаар Төрийн албан хаагч байх хугацаандаа бусдын хөрөнгийг хууль бусаар авсан, залилсан, албан тушаалтан эрх мэдлээ хэтрүүлсэн этгээдүүд хууль хяналтын газар шалгагдахаа больж, зарим нь хийсэн хэргийнхээ ял зэмээс “Өршөөл” нэрийн дор төвөггүйхэн мултрах юм.
Эх сурвалж www.grandnews.mn
Б.Шархүүхэн
Сэтгэгдэл (3)