Эмэгтэйчүүдийн Бриллиант клуб ТББ ивээн тэтгэн зохион байгуулсан Монголын анхны Тэргэнцэртэй сайхан бүсгүй шалгаруулах тэмцээнд Цолмон хэмээх бүсгүй түрүүлж, титмийн эзэн болж байсан. Тэгвэл 1980-аад оны сүүлээс эхтэй Монголын сайхан бүсгүй шалгаруулах уралдааны 2001 оны тэргүүн мисс, Бриллиант клуб ТББ-н санаачлагч Ё.Нямжав мөнгөн утсаар сүлжиж хийсэн энэхүү титмээ Цолмонд өгч хэвлэл мэдээллээр шуугиан тариад байна.
Ё.Нямжав нь Бриллиант клуб ТББ-н санаачлагч гэдгээр нь олон нийт илүүтэй таних бөгөөд нийгмийн эмзэг давхаргын эмэгтэйчүүдэд бие сэтгэлийн хандив өргөдөг энэхүү байгууллага байгуулагдсан цагаасаа олон нийтийн анхаарлын төвд байсаар ирсэн билээ. Үүний нэг тод жишээ энэ зун тэргэнцэртэй мисс тэмцээний эзэн Цолмонг Итали улсад хөгжлийн бэрхшээлтэй залуусын Олон Улсын зусланд амраасан явдал. Дээрээс нь тус клубын үүсгэн байгуулагч Ё.Нямжав олон жил хадгалж ирсэн титмээ хүртэл бэлэглэсэн нь олны анхаарлыг ихэд татаад байна. Ямартай ч мисс гэх нэрээ нэр төртэйгөөр хадгалж дээр нь нийгмийн сайн сайхны төлөө сэтгэл зүрхээ харамгүй зориулж яваа олон арван бүсгүйчүүдийн төлөөлөл болж яваа Ё.Нямжавын цаашдын сайн үйлсэд өндөр амжилт хүсэе.
Эх сурвалж: www.grandnews.mn
Сэтгэгдэл (5)