Монголын рок попын исгэлэн жимснүүд өөр өөрсдийн өнгөө тодорхойлж явна. Тухайлбал, хамтлагийн ахлагч Д.Уламбаяр өнгөрсөн онд нярайлж, Сүбээдэй нэртэй хүүтэй болсон бол тус хамтлагийн “Африк” төрхийг тодорхойлдог Ц.Намуунаа өөрийн анхны "One moment" цомгоо өнгөрсөн хавар “өлгийдөж” авсан. Харин тус хамтлагийн хамгийн царайлаг тодотголтой Д.Алтанцэцэг дээрх хоёр гишүүн шигээ биеэ засаж, гэрээ төвхнүүлсэнгүй. Явдал суудал нь ихдээд сураг алдарсан. Ер нь бүсгүй хүн өөрийнхөө хөөрхөнийг мэдрэхээрээ “болохоо байдгын” тод жишээ энэ болов уу.
Хэдхэн жилийн өмнө залуусаас “Киви” хамтлагийн хамгийн халуухан нь хэн бэ? гэвэл Укаг нэрлэх байсан байх. Харин өдгөө тэдний байр өөрчлөгдөж, Намуунааг нэрлэх болов уу. Учир нь Ука өмнөх шигээ нүүрэндээ галтай нүдэндээ цогтой, тачаангуй халуухан байхаа больж. Төрж тэлсэн, нялх нойтон хүүхэдтэй учраас арга ч үгүй биз. Харин түүний орыг Ц.Намуунаа залгах болжээ. Хүнтэй сууж хүүхэд гаргаагүй учраас 18-туудаас ялгагдахгүй харагдана. Түүнтэй болзох, уулзах эрчүүд ар араасаа дугаарладаг ч, Агий шигээ хэн дуртайтай нь уулзаж учран, нэр нүүрээ барахгүй ихэмсэг алхана.
Б.Шархүүхэн
Эх сурвалж: www.grandnews.mn
Сэтгэгдэл (3)