Загварын ертөнцийг атгадаг хэдхээн гарын тоонд “Урлах эрдэм” дээд сургуулийн захирал Г.Тунгалаг зүй ёсоор багтана. Чадварлаг дизайнерууд эднийхээс л төрж, гадна дотны тэмцээнийг өнгөлдөг учраас тэр. Г.Тунгалагт өөр нэг том хөзөр байдаг нь түүний охин. Ихэвчлэн загасчны морь усгүй гэгчээр чадварлаг мэргэжилтний залгамжлагчаар хар элгийн хүн тодордог бол Г.Тунгалаг охиндоо албаа өгөөд хэзээ л бол хэзээ гар газар, хөл хөсөр суух хүн. Охин Э.Энхчимэг нь сургуулийнхаа хувцасны дизайн-зохион бүтээлтийн тэнхимийн эрхлэгч төдийгүй дэд профессор цолтой ТОМ ГАР. Түүнийг чадварлаг ээжийн охин болохоор ч тэр үү, эсвэл ээж нь сургуулийн захирал учраас ч юм уу, өөрөө юу ч хийхгүй хүн зараад бусдын оёсныг нэр дээрээ бүртгүүлдэг гэх.
Нөгөө хоттой мал нь үхэхээр ядуу хамаатныхаа малаар нөхөж тоолуулдаг шиг юм ярих улсын явган яриа юмдаг уу даа. Бодит байдал тун өөр. Охин багаасаа оёж шидэх, зурах сонирхолтой байж. Дээр нь өвөөгийн гялбаа охинд бий. Авьяас, амбиц нь ихэднэ үү л гэхээс багадаагүй Г.Тунгалаг захирлын аав архитектурч хүн байсан бөгөөд өвөөгөө Политехнкийн дээд сургуульд багшилдаг байх үеэс бяцхан М.Энхчимэг оюутнуудтай нь хамт хичээлд суудаг, хар зураг зурдаг байсан гэдэг. Тэр мөчөөс л Э.Энхчимэгийн хувцас урлалын ертөнцөд түүхээ бүтээх он цаг эхэлж. Бүсгүйн үнэн түүхийг мэдэхгүй хүмүүс хээнцэр байдлаас нь болоод хөх зүү хөндлөн барьж үзээгүй, хүний хөдөлмөр мөлжигч гээд цоллочих шахна. Гэвчиг хүн тэр бүр харагдаж байгаа шигээ байдаггүй гэдэг дээ.
Эх сурвалж: www.grandnews.mn
Сэтгэгдэл (6)