Нэгэн цаг үед загварын ертөнцийг, тайз дэлгэцтэй хамтатган эзэгнэнхэн байсан топ модель Д.Пүрэвсүрэн өдгөө даруухан гэрийн эзэгтэй болжээ. Гэвч гурван хүүхдийн ээж, айл гэрийн үлгэр жишээ эзэгтэй тэр одоо ч сонирхолтой дүр хэвээр. Залуу модель охид ч түүнийг иш татан, үлгэр дуурайл болгох нь бий. Н.Намуунцэцэг хэмээх энэ бүсгүйг загварын ертөнцийнхөн Д.Пүрэвсүрэнгийн хоёр дахь хувилбар гэлцдэг гэдэг. Залуу модель гэхэд тун амжилттай, карьер нь өсөж, “Гоёо” брэндийн нүүр царай болохоос гадна кино урлагт хөл тавьсан байх юм.
Түүний хувьд СУИС-д суралцаж хажуугаар нь “Монгол модель” агентлаг загвар өмсдөг тул дэлгэцийн урлагт хөл тавихад дөт байсан аж. БНСУ-д жүжигчний мэргэжлээр суралцахаар явах гэж байгаа Н.Намуунцэцэг хэр авьяаслаг жүжигчин болохыг “Хар сувдны нууц” адал явдалт инээдмийн кино нээлтээ хийх үед үзэгчид харах нь. Харин түүнийг топ Пүүжээтэй харьцуулсан тухайд “Топ модель Пүрэвсүрэн эгч шиг загвараар ч, жүжигчнээр ч хослуулж явна гэж боддог. Гэхдээ түүнийг дуурайж байгаа юм биш ээ. Анхнаасаа л надад тийм мөрөөдөл байсан” гэсэн хариулт өгчээ. Ямартай ч топ хүнтэй харьцуулагдан буй түүнд мэргэжлийн хүрээнийхэн нь ихэд найдлага тавьж буй.
Эх сурвалж: www.grandnews.mn
Сэтгэгдэл (8)