Улс төрийн халаа сэлгээнд хамгийн их өртдөг нэг ёсондоо галын бүс нь Төрийн байгууллага гэж хэлж болно. Ардчилсан засаг төртэй болсны гай ч гэх юмуу гавьяа ч гэх юмуу төрийн байгууллагат хөл толгой нь мэдэгдэхгүй бужигнаан үүсэж сүүлдээ хэзээ ч хөндөгдөж байгаагүй газрууд хүртэл хөлд үргэдэх шинжтэй. Дуурь, Соёл урлагийн газар, Хуримын ордныг дайрсан марафон сүүл сүүлдээ “Найрамдал” зусланг дайрлаа. Хүүхдийн зуслангууд бүгд амралтын газар болчихоод эцэг эхчүүд айдас хүйдэст автан хүүхдээ зуслан явуулахдаа жирэмсэн болчих вий, иймээ тиймээ юм тохиолдох вий гэж эмээх болсон нь нууц биш.
Харин “Найрамдал” цаг хугацааны саалтанд ёстой нэг ширхэг мод нь ч хөндөгдөлгүй хатуу дэг жаягаа баримтлан оршин ирсэн нь Гавьяат багш Т.Түвшин захирал, Б.Отгонбат нарын хичээл зүтгэл, хатуу гараар удирдаж ирснийх гэж хэлж болно. Хэтэрхий мэргэн жараахай ардчилагчид нар аль нэг байгууллагыг танил хүн, амраг хонгор, хамаатан садандаа өгөхдөө албан тушаалын залгамж чанар гэдэг зүйлийг өчүүхэн ч баримтлахгүй байгаа нь олны дургүйцлийг төрүүлж байна. “Найрамдал” төвийн шинэхэн захирал нь чухам хэзээ, хаана хүүхдийн байгууллагат юу хийж байсан нь тодорхойгүй бүсгүй ирэв.
Д.Оюунцэцэг хэмээх энэ бүсгүйг тээр жил сонгуульд нэр дэвшиж байсныг бүдэг бадаг санах юм. Жилдээ 22,000,000 төгрөгийн цалинтай Оюутолгойн ажлаа орхин байж ирэхийг бодоход “Найрамдал”-д хөрсөн доор нь мөнгийг шуудай шуудайгаар булсан гэсэн үг үү? Төмөр нударга, тулгуур нь байж ирсэн Т.Түвшин захирлыг чимээгүйхэн мөргөж хаясан энэ бүсгүйн доор Б.Отгонбат захирал ажиллах нь.
Зүй нь энэ байгууллагыг гар, хөлийн тус бүр 10 хуруунаасаа илүү мэдэх хүн нь эрхэм Б.Отгонбат, Т.Түвшин захирал тэтгэвэрт суудаг юмаа гэхэд тэр л орыг нь залгана гэдгийг ажилчид бүү хэл амрагч хүүхдүүд ч хүлээн зөвшөөрсөн. Ажлаа мэддэг, чаддаг хүн ийм л сайхан үнэ хүндтэй байдаг. Б.Отгонбат өнөөдрийг хүртэл аль нэг намыг дагаж гүйгээгүй, улс төржөөгүй нь л түмэн буруу байх нь. Ёстой элэнцгээ хийж байсан юм хэмээн харуусах хүмүүс олон байна.
Д.Оюунцэцэгийн хувьд намтар түүх сөхвөл Д.2008 оны УИХ-ын сонгуулиар Эрдэнэт хотоос нэр дэвшиж байв. Карьер хөөж эхэлсэн үе нь юм уу даа. Мэдээж амжилт олоогүй, хэзээ ч юм бүү мэд, лав л Ц.Элбэгдоржийг ерөнхийлөгчөөр сонгогдсон хойно юм болов уу даа, Оюутолгойд 22 сая төгрөгийн цалинтай албан тушаалд томилогджээ. Ингэж онцлоод байгаагийн учир нь түүнийг Эби ерөнхийлөгчийн хүн гэдгийг улс төрийн хүрээнийхэн байтугай нь мэддэг билээ.
Ингэхэд 22 сая төгрөг гэдэг эгэл бидний хувьд сардаа бүү хэл жилдээ ч тоолж барахгүй их мөнгө мөн биз. Эдийн засаг хямарсан энэ цаг үед тийм их цалинтай ажлаа орхин байж “Найрамдал”-д газардсан нь магад Оюутолгой хямарсных байж болох л доо. Түүнийг амандаа алтан халбага зууж төрсөн гэлцдэг нь зүгээр нэг чамирхсан эсвэл дэгсдүүлсэн яриа биш.
Хатанзүрх хэмээх ховор содон, уярам романтик нэртэй нэг хүүтэй Д.Оюунцэцэг өөрөөсөө үе мултарсан өвгөжөөр канад нөхөртэй байв. Монголд үйл ажиллагаа явуулдаг гадны компаниудад аудиторын үйлчилгээ үзүүлэх бизнес эрхэлдэг байсан канад эрхэм хэдхэн жилийн өмнө өөд болохдоо Канад дахь эдлэнгээсэ авахуулаад Улаанбаатарт амьдарч байсан байшин саваа бүгдийг нь Хатанзүрх хүүдээ өвлүүлж үлдээсэн гэдэг. Гадныхан ийм л хоншоортой байдаг байх нь.
Хамгийн сонирхолтой нь харах царайны мов монгол аавтай хүүгээ канад нөхрийнхөө хүү хэмээн найз нөхөддөө хүртэл мэлздэг Д.Оюунцэцэг ийм л жаатай хүүхэн. Дээдсийн хүрээнийхний шивэр авир ярианаас үзвэл Хатанзүрх хүү манай нэгэн нэр нөлөө бүхий лидер улс төрчийн хүү юм гэсэн. Тийм учраас ингэж мэлздэг нь бас буруу биш байх л даа. Ийм нэгэн CV гэж нуль гадаад ертөнцтэй холбогдож, дээгүүр жаалсан, Хөрөнгө оруулгын мэдүүлэг болоод цалин нь доллараар л хэмжигддэг жаатай, зайтай бүсгүй “Найрамдал” төвийн захирлаар томилогдлоо. Нүдэн дээр цалин байтугай олдог бүх орлогоо тоолуулдаг олны танил эрхмүүдийн фронтын дайчдаас илүү далд эгнээнд чимээгүйхэн жаалж амьдарч яваа чамгүй улс бидний жижигхэн Монголд мөн ч олон.
Зарим нэг нь ингэж дээгүүр жаалж байхад “Найрамдал”-ын гортигноосоо гарахгүй хэдэн хүүхэдтэйгээ бужигнаж суугаад мад тавиулсан Б.Отгонбат олны дунд арван таван толгойтой атгаалжин хар мангастай тэмцэх гэж буй баатар хүү шиг л харагдах болов. Цаашдаа “Найрамдал”-ын ирээдүй хэрхэхийг эцэг эхчүүд амьсгаа даран айдас хүйдэст автан ажиглаж байна. Даргаа сольсноор сайжирсан түүх монголд лав байхгүй. Ёстой мэдэх ч үгүй юм байна. Үлдэх хүнээр ачаа бүү татуул аа гэж үнэн үг шар тос шүү.
Эх сурвалж: www.grandnews.mn
У.Цахирмаа
Сэтгэгдэл (14)