Юун одооны зохиолын дууны “будаатай хуурга”-нууд, цагтаа цалгиж явсан дуучин бол Ц.Төвшинтөгс билээ. Бүхий л амьдралдаа ганц л кассет хэвлүүлж явсан дэндүү даруухан тэрбээр дуурийн урлагтаа үнэнч явсаар өнөөдрийг хүрсэн. “Шүүдэр цармын цэцэг” дуугаар бүсгүйчүүдийг уярааж явсан гавьяат маань 4 хүүхэдтэй өнөр бүлийн тэргүүн болжээ. Харин өөрөө бол 7 хүүхэдтэй айлын дунд хүүхэд билээ.
Загасчны морь усгүй гэгчээр түүнд алдар хүндлэл, магтаал, сайхан хоолой, төрөлх авьяас, дүр төрх бүгд байсан ч нэг ч клипгүй нь дэндүү даруу гэмээр. Улаанбаатар чуулгыг толгойлон чамгүй амжилттай ажилласан тэрбээр хөөрхөн бичил бизнестэй. Урин дэлгэр цагт чуулгын уран бүтээлчдээрээ жуулчдад тоглолт тавиулахын зэрэгцээ өөр нэг татваргүй бизнес эрхэлдэг.
Зуслангийн байшин түрээслүүлж төлбөрийг нь бөөндөж аван үр ашгийг нь мэдэрсэн гавьяат дахин байшин бариулж түрээслэх болж. Суусан газраасаа шороо атган амжиргаагаа товхийтэл болгож яваа түүнийг “Ингэж байхаар хуучны сайхан дуунуудаараа СД гаргаад тоглолт тавьбал бүр хаустай болно шүү дээ” хэмээн хүмүүс түлхүүрдэж буй сурагтай. Гэзэг үсээ ургуулан стильдэх болсон гавьяат маань харин тэдний зөвлөгөөг хэр сонсох юм бүү мэд. Үзэгчид өөр юм хүсээд, өөр юм үзэх гээд байгаа энэ цагт хууччуул болох Ц.Төвшинтөгс, Г.Эрдэнэбат нарын сор болсон уран бүтээлчид уг нь брэнд болно шүү дээ.
Эх сурвалж: www.grandnews.mn
Сэтгэгдэл (4)