Дарга байвал магтуулаад л даргаас буусны дараа луйварчин хулгайч байсан нь гэнэт илэрдэг сонин ертөнцөд бид амьдарч байна. Хотын мэр асан Г.Мөнхбаяр ч тийм замнал туулсан. Үе үеийн дарга нар дунд хамгийн чимээ аниргүй, бараг царай төрх нь нүдэнд тогтоогдоогүй түүний хувьд уламжлалаа дагасан. Тэр нь газрын наймаачин гэх зүүсгэл. Хотын дарга хүн заавал газар наймаалах ёстой юу? Үгүй, гэхдээ тэд наймаалдаг байх нь л дээ.
Угаас хотод өөр зарж үрээд хэдэн бор юм болгочих зүйл байх биш. Ямар хогны уут заралтай ч биш, тийм ээ? Г.Мөнхбаярын гэргий Х.Мөнх-Өнөр одоо бол жир иргэний гэргий. Угаас нөхрөө дарга байхад ч саагаж дагаж давхиж байсангүй л дээ. Хэт энгийн стильтэй түүний хувьд бусад гэргийдээс үүгээрээ ялгардаг байх. Улаанбаатар хотын 30 дах захирагчийн гэргий маань ОХУ-д боловсрол эзэмшин Колорадогийн их сургуульд төрийн удирдлагын чиглэлээр магистр хамгаалсан.
Хосууд ОСННА-н конторт ажиллаж байхдаа анх танилцсан гэдэг. Ажаад байхад хотын үе үеийн даргын гэргий нар нөхрөөсөө супер анкеттай байх юм. Нөгөө Давидыг олоод ир гэсэн чинь андуураад том биетэйг нь хаан болгох гэж авчраад бурууддаг шиг бид давж хардаггүй юм биш биз дээ. Гуч гаран эрэгтэй дарга сонгоод байхад хот маань ахиж дэвжив үү дээ. Яагаад эмэгтэй хүн байж болдоггүй юм бол гэж бодоход бас сонин өнцөг шүү.
Эх сурвалж: www.grandnews.mn
Сэтгэгдэл (2)