Ерөнхийлөгч Ц.Элбэгдорж хаана морилно, энэ хүн хамт явдаг. Учир нь улсын нэгдүгээр хүний итгэж найддаг, биширч шүтдэг цорын ганц хөтлөгч нь тэр юм л даа. Тиймдээ ч Ш.Баянмөнх Төрийн хөтлөгч өргөмжлөлтэй. СУИС-ийн дуулаачийн анги дүүргэсэн ч хөтлөгчөөрөө илүүтэй дагнах болсон түүнийг тун ч “кругозор” сайтай сийрэг толгой гэдэг. Тиймдээ ч үг хэл хайч, хутга л гэмээр цэцэн цэлмэг, үзэг цаас нийлүүлж, сэтгүүлзүйд мөрөө гаргаж явсан Эбид тоогдоо биз. Энэ ч яахав нэг их сонин мэдээ биш байх, жинхэнэ шинэ мэдээ гэвэл мань эр Төмөр замын чуулгын даргаар сонгогдоод удаагүй байгаа гэнэ.
Олон жилийн түүхтэй, олон ч сайн уран бүтээл төрүүлсэн энэ байгууллагыг удирдах албыг хөтлөгч эр бас ч гэж шийрэгнэж байгаад авсан сурагтай. Албан тушаал, тамга тэмдэгэнд дургүй “сонин гар” байж мэдэхээр. Гэтэл бас юу ч билээ, эр хүний дотор эмээл хазаартай морь багтдаг гэгчээр Төмөр замын чуулгаас том газрын дарга болох зангарагтай гэж өөрийгөө боддог ч юм билүү, хэн мэдлээ. Ямартай ч хөтлөгчийн хувиар тодорхой хүрээндээ л мегастар Ш.Баянмөнх чуулгын дарга болж, төрийн тамга атгах хувьтай л эр байж.
Эх сурвалж: www.grandnews.mn
Сэтгэгдэл (2)