Өнгөрсөн амралтын өдөр Завхан аймгаас буцаж явах замдаа Булган аймгийн Дашинчилэн сумын нутагт авто машины осолд орсон Эрүүл мэндийн дэд сайд Д.Атармаагийн биеийн байдал маш муу, сэхээнд ухаангүй байна. Өнөөдөр 10 цагийн орчимд яаралтай хагалгаанд оруулахаар болжээ. Цуг явсан нөхөр нь газар дээрээ нас барж, дэд Сайдын туслах болон жолоочийн биеийн байдал ямар байгаа нь одоогоор тодорхойгүй байна. Осол болох үед жолооч нь жолоо барьж явжээ.
Эрүүл мэндийн дэд сайд Д.Атармаа нь 2014 оны 12-р сард тус албанд томилогдсон юм. Тухайн үед Шийдлийн Засгийн газар 17 дэд сайдтайгаар үйл ажиллагаагаа явуулахаар болсон. Үүнээс Эрүүл мэнд, спортын яам хоёр дэд сайдтай ажиллаж байна. Эрүүл мэнд хариуцсан сайдаар МАН-аас Д.Атармааг нэр дэвшүүлсэн. МАН шийдлийн Засгийн газарт дэд сайдуудыг томилохдоо мэргэжлийн, ажлын туршлага зэргийг харгалзан үзэж сонгосон гэдгээ мэдэгдэж байсан. МАН-аас дэд сайдад 40 гаруй хүн нэр дэвших хүсэлтээ илэрхийлж байжээ. Эцсийн эцэст УИХ-ын гишүүн асан, Нийгмийн бодлогын байнгын хорооны дарга байсан н.Очирбат. Д.Атармаа нар тунаж олонхийн саналаар Эрүүл мэндийн дэд сайдаар Д Атармаа томилогдсон юм. УИХ-ын гишүүн асан н. Очирбат нь Атармаатай адилхан хүний их эмч мэргэжилтэй, улс төрд ч Эрүүл мэндийн салбарт ч танигдсан эрхэм.
Д.Атармаагийн хувьд Хүний их эмч, эх баригч мэргэжилтэй. 1992-1998 онд Дорноговь аймгийн Анагаах ухааны коллежид багш, 2005-2009 онд нийслэлийн Эрүүл мэндийн газрын орлогч дарга,2009-2013 онд Хөдөлмөрийн нөхцөл, мэргэжлийн өвчин судлалын Үндэсний төвийн дарга, Эрүүл мэндийн салбарт ажиллаж байсан нэлээдгүй туршлагатай нэгэн гэж намынхан нь үздэг ажээ.
Нэгэн Монгол ээжийн амь нас дээсэн дөрөөн дээр байна. Бүгдээрээ мэддэг мэддэг залбирал, ерөөл гуйлтаа үйлдэцгээе.
Эх сурвалж: www.grandnews.mn
Сэтгэгдэл (11)