Магадгүй энэ бүсгүй хэзээд сайхан харагддаг, хаана юу өмсөхөө мэддэг болохоор түүнд огтын хамааралгү арга хэмжээнд хүртэл зохион байгуулагчид урилга илгээдэг байх. Өөрөөр хэлбэл топ Э.Одгэрэл арга хэмжээний байх ёстой нэг элемэнт болж орхиж. Түүний ирээгүй ямар ч ёслолын ажиллагаа нэг л дутуу гуцуу мэдрэмжтэй цаанаа л сүргүй болох мэт санагдах хүртэл биеэ авч явдаг гэдэгтэй маргах хүн үгүй ч биз.
Тэгвэл Академи Авардс наадамд тэр ийн хувцаслаж иржээ. Гадаад, дотоодын эрхэм зочид төлөөлөгчид энэ бүсгүйг эргэж харахгүй өнгөрөх аргагүй байлаа. Яг л хар хун шиг байгаа биз дээ. Түүний даашинз боошинз өмссөн зурган дээр хүмүүс “Өвдөг нь ямар муухай юм бэ, гарыг нь хараач ээ” гээд л муулсныг эрхэм топ гярхай анзаарсан бололтой. Энэ удаад тэр эрсдлийг өөрөөсөө холдуулж. Цаг хугацааг зогсоож эсвэл ухрааж болох биш. Өдий насанд өвдөг, тохой мэт дээр жижиг сажиг асуудал огт гарах ёсгүй гэвэл байгалийн жам ёсноос гажсан хэрэг болно.
Б.Уян
Эх сурвалж;www.grandnews.mn
Сэтгэгдэл (11)