Урлаг, улс төр хоёрыг худ ураг барилцуулж зэрэгцэн од болж ойж, цойлж яваэа хосуудын нэг нь Байгаль орчин, ногоон хөгжил, аялал жуулчлалын шинэхэн дэд сайд М.Хүрэлсүх, СТА Л.Солонго нар. Анхны үрээ өлгийдөж аваад удаагүй байгаа тэд хөөрхөн хүүхдээ сайдын суудал авчирсан булган сүүлтэй гэж билэгдэж суугаа болов уу. Шинэ хүнээ өлгийдөж аваад жилийнхээ ойн дээр дэд сайдын суудалд лавхан тухалсан М.Хүрэлсүхийг яруу найрагч гэдгээр нь урлагийнхан андахгүй.
Бүтээсэн уран бүтээл, гаргасан амжилтуудыг нь жагсаавал тун урт жагсаалт гарах түүний үзэсгэлэнт гэргий дуучин Л.Солонго, АЖ А.Долгорын таашаалд нийцэж гарын шавь нь болж чадсан чансаатай дуучин. Багштайгаа нийлж мэргэжилийн өндөр түвшний дууг сонгож дуулдаг Л.Солонго төрөөд жил болоогүй хэрнээ төрөөгүй юм шиг гунхах бүсгүйчүүдийн эгнээнд орсон гэлтэй. Болгар улсын Софи хотноо хөгжмийн академид суралцаж байгаад чөлөөгөө авсан тэрээр дэд сайдын дэгжин эхнэр гэгдэх боллоо. Үнэхээр нь эр нөхрийнх нь алба тушаал дуучин бүсгүйд улам өнгө зүс нэмээ юу даа.
Эх сурвалж: www.grandnews.mn
Сэтгэгдэл (7)