Урлагийнхан дундаас анхны амьдралдаа цэг тавьсан хүнийг тоолсноос тавиагүйг нь нэрлэчихвэл бусад нь тодорхой болно. МУГЖ хэмээх эрхэм алдрыг нэр төртэйгөөр хүртсэн дуучин Б.Дашдондог тэр “ариун” жагсаалтанд дээгүүр бичигдэх хүн. Түүний гэргий энэ бүсгүйг Нараа гэдэг. “Nature sound” дуулаачийн төвийн гүйцэтгэх захирал тэрбээр нөхрийнхөө авьяасыг олонд хүртээж, өнгөлөн гялалзуулж яваа хүн. Б.Дашдондог гэргийнхээ студид багшлан олон ч авьяаслаг хүүхдүүдийг нээж гаргасан шүү дээ.
Түүний гэргийг хүмүүс их хатуу хахир хүн гэлцдэг. Б.Дашдондог энэ талаар “Манай эхнэр цайлган, хүнд хэлэх үгээ шууд л хэлчихдэг байхгүй юу. Ямар ч шоу цэнгээнийг зохион байгуулах чадвартай. Ямар ч уран бүтээлчдийг цагт нь авчраад дуулуулж чаддаг. Зохион байгуулж удирдах авьяастай” гэсэн байдаг. Илүү дутуу үггүй, авьяаслаг нөхөртөө “хатуу” гэргий нь хүү, охин төрүүлж өгсөн. Охиноо хилийн чанадад сургаж, хосууд хүүтэйгээ амьдардаг. Ямартай ч энэ удаад тун “янаг” өнгө сонгон өхөөрдөм хувцасласан Нараа хатагтай юун нөгөө хатуу, ааширхуу байх вэ. Харин ч нээлттэй эелдэг инээмсэглэсэн төрхтэй явна шүү.
Эх сурвалж: www.grandnews.mn
Сэтгэгдэл (9)