Зовох цагт нөхрийн чанар танигдана гэгчээр амьдралын хамгийн хүнд үед түшиж тулсан хүнтэйгээ амьдрал, хувь заяагаа холбох хамгийн нандин учрал билээ. Энэ бүсгүй “Харанга”-ын Лхагвааг газар буухгүй шахам нисэж, бүсгүйчүүдийн хайрыг татан од байсан үед нь учраагүй. Амьдралын нугачаанд бүдрэн хэцүү нэртийн хаалга татаж гундуухан явах үед нь түшжээ. Яагаад ч юм хүний гурав дахь амьдрал яг тогтдог хэмээх нь бий. Үнэхээр Х.Лхагвасүрэнгийн гурав дахь амьдрал тогтсон.
Г.Ганбаяр түүнд хэнз үрийн зулай үнэрлүүлсэн билээ. Рок поп ертөнцийн “Загалмайлсан эцэг”-ийн гэргий болсон ч олны нүдэнд өртөж од болохоос зайлсхийдэг тэрбээр тэр бүр нөхрөөрөө имиж хийгээд байдаггүй. Хайрлахдаа алдаа оноо, алдар нэр, өнгөрсөн амьдралын нугачааг нь хамтад нь хайрласан түүнийг Лхагваагийн ойр тойрныхон ихэд хүндэлдэг юм билээ. Үргэлж хайрлахдаа болзол тавьдаг бүсгүйчүүдийн ертөнцөд энэ мэт fresh air дутагдаж байгаа. Орчин цагт ховордсон чин хайр тэдний насанд ч цэцэглэдэг байх нь байна шүү. Хайр байсан, хойшдоо ч байсаар байх болно.
Эх сурвалж: www.grandnews.mn
Сэтгэгдэл (10)