Нүдээ аниад нэг чулуу шидэхэд нэг Приус ононо
Жолооч нь СТА, СТА нь годон гуталтай л гэнэ. Приусдын цуглаан боллоо гэхэд “Тэд одоо уулзвар болгон дээр уулздаг юм байж цуглаж яадаг байна аа” хэмээн элэг доог хийнэ. Сониноос, Приусчдын тал нь Соёлын төв өргөөнд тоглолт хийгээд харин тал нь түймэр унтраахаар явах юм гэсэн шүү. Энэ мэтчилэн авсаархан, түлш бага “иддэг” одоогоор манайд хамгийн тохиромжтой унаагаар тодроод буй Приустэй холбоотой хөгжилтэй ишлэл олоон.
Тэгвэл зөвхөн СТА нар Приус унадаггүй юм байна. Урлагийн гавьяат зүтгэлтэн, найруулагч Ч.Найдандорж төмөр хүлэг сонголтоо ийн хийжээ. Монголчууд ер нь хэзээ нэг Лексус бол машин, 9911 бол зүгээр л утасны дугаар гэдгийг ойлгох юм бүү мэд. Юм энгийн байхдаа сайхан гэгчээр тэр тун маадгар харагдана лээ шүү. Нөгөө “Ядуу сэтгэлгээтэй хүн гэдэс иддэг” гэдэг шиг Приусын талаар бид арай туйлширсан ойлголттой байж мэдэх юм шүү. Ямартай ч Найдка найруулагчийн ачаар Приусчид зэрэг цолоо хэд хэдэн шат ахиуллаа. Урлагийн гавьяат зүтгэлтэн ч Приус унадаг, итгэхгүй бол хараарай.
Эх сурвалж: www.grandnews.mn
Сэтгэгдэл (3)